شێخ جەعفەر شێخ مستەفا ستایشی رۆڵی جوامێرانەی پێشمەرگە دێرینەكان دەكات

PUKMEDIA

شێخ جەعفەر شێخ مستەفا لەگەرمیان ستایشی رۆڵی جوامێرانەی پێشمەرگە دێرینەكان دەكات

رۆژی 29ی 9ی 2024، شێخ جەعفەر شێخ مستەفا لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان، لە مەڵبەندی رێكخستنی گەرمیان لە كەلار، ئامادەی رێوڕەسمی دەستبەكاربوونی عەلی شەهید محەمەد بوو، وەك سەرۆكی لیژنەی پێشمەرگە و تێكۆشەرە دێرینەكانی گەرمیان، كە شێخ ئەحمەد حەمە كەریم ئەندامی مەكتەبی سیاسی و سالار مەحمود لێپرسراوی مەڵبەندی رێكخستنی گەرمیان و مامۆستا جەلال ئامادەبوون. 

 لەوتەیەكدا لێپرسراوی ئەنجومەن باسی لەبایەخی هەڵبژاردنی پەرلەمانی كوردستان كردو ئەوەی بەبیر ئامادەبووان هێنایەوە كە جاران بە چەك داكۆكیمان لە مافی میللەتەكەمان دەكرد، بەڵام ئێستا لەڕێی خەباتی پەرلەمانی و دەنگەكانمانەوە دەتوانین كار بۆ بەدەستهێنانی مافەكانی كۆمەڵانی خەڵك بكەین، بۆیە پێویستە تەواوی پێشمەرگە و تێكۆشەرە دێرینەكان و كەسوكارەكانیان بەشداریی كارا بكەن لە پرۆسەی دەنگداندا و دەنگ بە لیستی ١٢٩ ی یەكێتیی نیشتمانیی كوردستان بدەن، چونكە سەركەوتنی یەكێتی لەم پرۆسەیەدا رێگریی دەكات لە جیاوازیكردن لەنێوان ناوچە جیاجیاكان، هەروەك زامنی ئەوەش دەكات هیچ یاسایەك بێ یەكێتی تێنەپەڕێندرێت، رێگریش دەبێت لە ئەنجامدانی رێككەوتنی ژێر بەژێر لەگەڵ وڵاتانی تر دژ بە گەلەكەمان.

PUKMEDIA