كەرنەڤاڵی بانگەشەی هەڵبژاردن بۆ لیستی ١٢٩ی یەكێتی دەستیپێكرد

PUKMEDIA

كەرنەڤاڵی بانگەشەی هەڵبژاردن بۆ لیستی ١٢٩ی یەكێتیی نیشتمانیی كوردستان

بەئامادەبوونی بافڵ جەلال تاڵەبانی سەرۆكی یەكێتیی نیشتمانیی كوردستان و بەبەشداری  سەرجەم كاندیدەكانی یەكێتی بۆ خولی شەشەمی پەرلەمانی كوردستان كەرنەڤاڵی بانگەشەی هەڵبژاردن بۆ لیستی ١٢٩ی یەكێتیی نیشتمانیی كوردستان لە یاریگای نێودەوڵەتی سلێمانی (چوارباخ)، دەستیپێكرد.

لەسەرەتای كەرنەڤاڵەكەدا سەرۆك و هەر ١٧٢  كاندیدەكەی یەكێتی لە هەر چوار بازنەكەی هەولێر، سلێمانی، دهۆك و هەڵەبجە هاتنە سەر ستەیج و خۆیان ناساند.

یەكێتیی نیشتمانیی كوردستان بە لیستی ژمارە ١٢٩ بەشداری لە هەڵبژاردنی پەرلەمانی كوردستان دا دەكات لە هەر چوار بازنەی ( هەولێر، سلێمانی، دهۆك، هەڵەبجە) و ١٧٢ كاندیدی هەیە كە بەسەر بازنەكاندا دابەشبوون و دروشمی سەرەكی لیستەكەش " كۆتایی بەدەسەڵاتی خۆسەپێن دەهێنین" ە.
 

كاندیدەكانی لیستی ١٢٩ لە بازنەی هەولێر (٦٤) كاندیدە ، سلێمانی (٧٢) كاندید ، دهۆك ( ٣٠) كاندید و هەڵەبجە (٦) كاندیدە و سەرجەمیان لە مەرجە یاساییەكانی كۆمسیۆنی باڵای سەربەخۆی هەڵبژاردنەكانی عیراق دەرچوون.


PUKMEDIA