جێگری سەرۆكی هەرێم لەگەڵ سەرۆكی ئینستیوتی دانوب و سەرۆكی زانكۆی بۆداپێست كۆبووەوە

PUKMEDIA

جێگری سەرۆکی هەرێم لەگەڵ سەرۆکی ئینستیوتی دانوب لە بۆداپێست و سەرۆکی زانکۆی بۆداپێستی هەنگاریا کۆبووەوە

رۆژی ٢٠٢٤/٩/٢٧ شێخ جەعفەر شێخ مستەفا، جێگری سەرۆكی هەرێمی كوردستان پێشوازی لە پڕۆفیسۆر تۆماش دێژۆ، سەرۆكی ئینستیوتی (دانوب) لە بۆداپێست و دكتۆر بۆری لازلۆ، سەرۆكی زانكۆی بۆداپێست لە هەنگاریا كرد.

لە دیدارێكدا، دوا پێشهاتە سیاسیی و ئەمنییەكانی ناوچەكە، پەیوەندییەكانی نێوان هەنگاریا و هەرێمی كوردستان، ماڵوێرانییەكانی جەنگ و تێكچوونی دۆخی سیاسیی و ئابووریی وڵاتان و دۆخی ناسەقامگیری ڕۆژهەڵاتی ناوەڕاست، گفتووگۆیان لەبارەوە كرا.

لە بەشێكی  گفتووگۆكاندا، تیشكخرایە سەر سیاسەتی گشتی نێودەوڵەتیی و سیاسەتی هەنگاریا بەرامبەر هەرێمی كوردستان و عیراق، بە تایبەت لە بواری ئاسایش و سەقامگیریی ناوچەكە، هەروەها ڕۆڵ و كاریگەریی هێزەكانی هاوپەیمانیی نێودەوڵەتیی دژ بە داعش و پەیوەندییە نێودەوڵەتییەكان لەگەڵ هەرێمی كوردستان و عیراق، لە ئاستی یارمەتییە سەربازیی و مرۆییەكان وەكو ناوچەیەكی ستراتیژی و كاریگەری دژ بەتیرۆریستان، بە گرنگییەوە باسیان لێوەكرا.

PUKMEDIA