دەرباز کۆسرەت رەسوڵ: یەکێتی لەم هەڵبژاردنەدا باڵانسی هێز یەکلایی دەکاتەوە

PUKMEDIA

دەرباز كۆسرەت رەسوڵ

دەرباز كۆسرەت رەسوڵ سەرپەرشتیاری بازنەی هەولێری لیستی یەكێتیی نیشتمانیی كوردستان ١٢٩ رایدەگەیەنێت: "بە دەنگدانتان بە لیستی یەكێتیی نیشتمانیی كوردستان، شانازی بە هەولێری بوونی خۆتانەوە دەكەن". 

لەپەیامێكیدا دەرباز كۆسرەت رەسوڵ دەڵێت: "یەكێتی لەم هەڵبژاردنەدا باڵانسی هێز یەكلایی دەكاتەوە". 

هەروەك روو لەدەنگدەران دەكات و دەڵێت: "هەلێرییە رەسەنە مافخوراوەكان، كە بەرگەی ئەو هەموو زوڵم و ناهەقیەتان گرتووە، كەچوونە سەرسندوقی دەنگدان ئەوەتان لەبیربێت كە هەولێر و یەكێتی مێژوویەكی هاوبەشیان هەیە، نەهەولێر دەتوانێت بەبێ یەكێتی ببوژێتەوەو نەیەكێتیش بەبێ هەولێر دەتوانێت، كوردستان بخاتەوە سەر رێرەوی حوكمڕانییەكی دروست".

راشیگەیاند: "هیوامان زۆرە ئەم هەڵبژاردنە زۆر پرس و كێشەی بنەڕەتی چارەسەر بكات و هاوسەنگی هێز بۆ هەرێم بگەڕێنێتەوە، لێرەوە بەرەو قۆناغێكی نوێی حكومڕانی هەنگاو دەنێین، دەنگدان بە لیستی یەكێتی دەنگدانە بەخەبات و ماندووبوونی تێكۆشەرانی گەلەكەمان"، داواش لە دەنگدەران دەكات 20-10 بچنە سەرسندوقەكانی دەنگدان و ژیانیان باشتر بكەن و ئەو لایەنە سەركەوتوو بكەن كەبەردەوام لەخەمی ژیانیاندایە".

دەشڵێت: "بەدەنگدانتان بەیەكێتی شانازی بە هەولێری بوونی خۆتانەوە دەكەن، هەمووان تێبگەیەنن تەنها یەكێتییە دەتوانێت لەم هەڵبژاردنەدا باڵانسی هێز راستبكاتەوەو كۆتایی بەیەك جەمسەری و قۆرخكاری بهێنێت، ئەركی هەموومانە  دەست لەناو دەست كار بۆ سەرخستنی یەكێتی بكەین، دەنگ بەیەكێتی بدەن كە سەربەرزی و مافی چارەی خۆنووسین بە هیچ سەركەوتنێك ناگۆڕێتەوە".

لەكۆتایی پەیامەكەشیدا دەرباز كۆسرەت رەسوڵ سەرپەرشتیاری بازنەی هەولێری لیستی یەكێتیی نیشتمانیی كوردستان ١٢٩ دەڵێت: "رۆژی 20-10 رۆژی سەركەوتنە گەورەكەیە".

دەقی پەیامەكەی دەرباز كۆسرەت رەسوڵ بەڤیدیۆ ...

PUKMEDIA