لیستی ١٢٩ ی یەكێتی: كار و خزمەتی لە ١٦ سێكتەری هەرێم دەخاتەڕوو

PUKMEDIA

لیستی ١٢٩ـی یەکێتیی نیشتمانیی کوردستان

لیستی یەكێتیی نیشتمانیی كوردستان ژمارە (١٢٩) بەرنامەی خۆی بۆ بۆ هەڵبژاردنی پەرلەمانی كوردستان  راگەیاند، كە ١٦ سێكتەری هەمەلایەنەی خزمەتگوزاریی لە خۆگرتووە و دروشمی سەرەكیشی  "كۆتاییهێنانە بە دەسەڵاتی خۆسەپێن".

یەكێتیی نیشتمانیی كوردستان لە كارنامەكەیدا رایدەگەیەنێت كە: "لەپێناو پاراستنی قەوارەی هەرێم و باشكردنی بژێوی كۆمەڵانی خەڵكی كوردستان و بۆ راستكردنەوەی رێڕەوی حكومڕانی، ئەركی مێژوویی خۆی رادەپەڕێنێت و بۆ ئەم هەڵبژاردنە بەرنامەیەكی هەمەلایەن و گشتگیری بۆ سەرجەم سێكتەرەكان داناوە و بە هێز و پلانی تۆكمەوە كاری بۆ  دەكات".

لیستی ١٢٩ ی یەكێتی ئاشكرایدەكات كە :" هەرێمی كوردستان لەڕووی سامانی سروشتی و گەشتیاری و كشتوكاڵییەوە خاوەن خاكێكی بەپیت و دەوڵەمەندە و ئەم تایبەتمەندییانەش كۆڵەكەی بونیاتنانی نیشتمانێكی ئاوەدان و خۆشگوزەران و پێشكەوتوون، بەڵام لەم چەند ساڵەی دواییدا بەهۆی لادان لە پرەنسیپەكانی هاوبەشێتی لەحكومەت و سەركێشی سیاسیی و ئیدارەدانی نادروست و نادادپەروەر، ئەم هەرێمە، لە سەرجەم بوارەكاندا پاشەكشەی كردووە و رووبەڕووی جۆرەها مەترسی جددی بووەتەوە، رۆژ لەدوای رۆژیش ژیانی هاووڵاتیان بەرەو خراپی و سەنگی هەرێمەكەشمان بەرەو لاوازی دەچێت".

یەكێتی كە بەلیستی ١٢٩ بەشداری لە هەلژاردنی خولی شەشەمی پەرلەمانی كوردستان دا دەكات و بە هەر چوار بازنەكەی (هەولێر، سلێمانی، دهۆك و هەڵەبجە) ١٧٢ كاندیدی هەیە و كە پسپۆرییان هەمەلایەنە و وەكچۆن لە بەرنامەكەشیدا هەمەلایەنە وكار لەسەر خزمەت و گەشەپێدانی ١٦ سێكتەر دەكات، كە بنەمای خۆشگوزەرانی و باشتركردنی ژیانی شایستە و ئاوەدانییە.   كە ئەمانەن و بۆ هەر سێكتەرێكیش وردەكاری كاركردن و پێشخستنی تێدایە كە ئەمانەن:

یەكەم : سێكتەری سیاسی و دیپلۆماسی.
دووەم: سێكتەری كارگێڕی و ئابوری.
سێیەم: كەسوكاری شەهیدان و ئەنفالكراوان، كەمئەندامانی سەنگەر و زیندانیانی سیاسی و رێكخستنە دێرینەكان.
چوارەم : ناوچە دابڕێندراوەكان و ماددەی ١٤٠.
پێنجەم : سێكتەری ئاسایش و پێشمەرگە.
شەشەم: سێكتەری گەنجان و رۆشنبیری و هونەری.
حەوتەم: سێكتەری پەروەردە و خوێندنی باڵا.
هەشتەم: سێكتەری تەندروستی.
نۆیەم: سێكتەری كشتوكاڵ و ئاودێری و ئاژەڵداری .
دەیەم: سێكتەری گەشتوگوزار .
یانزەیەم : سێكتەری پیشەسازی و وزە .
دوانزەیەم: سێكتەری وەرزشی.
سیانزەیەم : سێكتەری گرنگیدان بە ژنان.
چواردەیەم: سێكتەری ژینگەپارێزی.
پانزەیەم: كرێكاران و كاسبكاران و پیشەوەران .
شانزەیەم : سێكتەری پرسی كۆچبەرەكان.

لیستی ١٢٩ جگەلەوەی بەوردی پەنجەی خستۆتە سەر كەموكورتیەكانی هەر ١٦ سێكتەرەكە، هاوتەریب سترتیژ و بەرنامەی بۆ چارەسەركردنیان خستۆتەروو.

کارنامەی لیستی یەکێتی ١٢٩ بۆ هەڵبژاردنی پەرلەمانی کوردستان

PUKMEDIA