سەرپەرشتیاری بازنەی گەرمیان: گۆڕانكاری بەپشتیوانی خەڵكەكەمان دەكرێت

PUKMEDIA

كۆبونەوەی سەرپەرشتیاری بازنەی گەرمیان لەگەڵ كاسبكارو خوێندكارو كەسایەتی و خەڵكی ناوچەكە

سەرپەرشتیاری بازنەی گەرمیان رایدەگەیەنێت: "گۆڕ‌انكاری و راستكردنەوەی رێڕەوی حكومەت تەنها بە یەكێتی و خەڵكەكەی دەكرێت و پشتیوانمان بن لەم ئەركە پیرۆزە كە لەبەرژەوەندی خەڵكەكەمانە".

لە زنجیرەیەك كۆبونەوەو دیداریدا لەگەڵ كاسبكارو خوێندكارو كەسایەتی و خەڵكی گەرمیاندا شێخ ئەحمەد حەمە كەریم ئەندامی مەكتەبی سیاسی یەكێتیی نیشتمانیی كوردستان و سەرپەرشتیاری بازنەی گەرمیان رایگەیاند: "گۆڕ‌انكاری و راستكردنەوەی حكومەت تەنھا بە یەكێتی و خەڵكەكەی دەكرێت و رێگەمەدەن بەناوی ھێزی نوێ و پرۆژەی نوێ و ئۆپۆزسیۆنی ناڕ‌استەوە یاری و مامەڵە بە دەنگەكانتانەوە بكرێت".

"سەرۆك بافڵ و یەكێتی رێگەنادەن جارێكی تر بەتاكڕ‌ەوی كەسێك و بەناوی ئیدارەو بەڕ‌ێوەبردنەوە ھیچ ناوچەیەك پشتگوێ و فەرامۆش بخرێت، بۆیە بە ناوی یەكێتییەوە داوای لێبوردن دەكەین لەهەر كەموكوڕییەك كە هەمانبووبێت، لەئێستادا ئێمە خۆمان نوێكردەوەو ئێوەش بۆ گۆڕ‌انكاری گەورە پشتیوانمان بن" ، ئەحمەد حەمە كەریم وادەڵێت .

 PUKMEDIA