زابخودێ كۆتایی پێدەهێنین

PUKMEDIA

ستران عەبدوڵڵا

ستران عەبدوڵڵا 

خەڵك و كەسی تر ناوی لە خۆی نابوو خۆڕاگر. 

بەڵام بە ڕاستی خۆڕاگری راستەقینە ئەم كاك قوبادەیە كە لەگەڵ كابرا هەڵیدەكردو پێنج ساڵ بە دانایی و شێنەیی مام جەلالانە مامەڵەی دۆخەكەی دەكرد.

هەڤاڵ قوباد تاڵەبانی، جێگری سەرۆكی ئەنجومەنی وەزیران، لەبەر  كوردو یەكێتی و لەبەر مانەوەی حكومەتی كوردستان بە یەكگرتوویی، بە خۆڕاگرییەوە  وەرزشی  یۆگای تەحەمول و خەباتی سەبری شۆڕشگێری دەكرد.


لە بەغدا بە گیانی بەرزی دیبلۆماتێكی كارامە تیمی دانوستانی ئیدارە دەدا كەچی جەماعەت حەماوەی حەسودیان  لێی دەڕژا، كە سەریش دەكەوت پاشقولیان لە رێككەوتن و دەسكەوتەكانی، كە لە قازانجی كورد بوون،   دەگرت.

دوایی خۆیان بە نرخێكی كەمتر دەچوون بۆ سێڵفی هەراجكردنی نەوت و دەیانگوت سۆمای چاومانە سۆما.

پیرۆزبایت لێدەكەم كاك قوباد كە لەحكومەتدا هەمیشە بەشێكبوویت لەچارەسەر، نەك ماكی گرفت، دایمەو دەرهەم بە هێزی نەرم و ژیریی لە ناوجەرگەی دیوانی حكومەتەوە بەرەنگاری تاكڕەوی  و لووتبەری  و بێباكی فراكسیۆنێكی زبرت   دەكرد.

٢٠-١٠-٢٠٢٤ یەكێتیی بە لیستی ١٢٩ ئەم نەبەردییە دەباتەوە و كۆدی ئەو مەتەڵەش هەڵدێنێ كە چەند رۆژە خۆیان پێوە مەشغول كردووە كە لە جێی ئەوەی قسەیەكی خۆیان  هەبێ بۆ وتن هەر وا بە شپرزەییەوە دەپرسن: كۆتایی بە چی دێنن؟

تەبعەن كۆتایی پێدەهێنین. كۆتایی بە هەموو شتێك دەهێنین. تەنانەت كۆتاییش دەهێنین بە خوو و خدەی بەدو زبری  تەعقیب و دیڤچوون  بۆ  رازو نیازی خەڵكی لە هەڵبژاردن و كێبركێی دیموكراسیدا.

شەفافیەت لە ئیدارە و داهاتەوە دەپەرێتەوە بۆ فەزای سیاسی داهاتووش.

PUKMEDIA