بەرهەمەکانی یەکەمین دیداری نیشتمانی سەرۆک جەلال تاڵەبانی بڵاودەکرێتەوە

المسری

بەرهەمەکانی یەکەمین دیداری نیشتمانی بۆ سەرۆک جەلال تاڵەبانی

دامەزراوەی سەرۆک جەلال تاڵەبانی و دامەزراوەی بەحرلعلوم بەرهەمەکانی یەکەمین دیداری نیشتمانی بۆ سەرۆک جەلال تاڵەبانی لەدووتوێی کتێبێکدا بڵاوکردەوە.

ئەمڕۆ شەممە ۲۱ی ۹ی ۲۰۲٤ له‌ رێوڕه‌سمێكدا له‌ به‌غدا بە ئامادەبوونی کەسایەتیە حکومی و حزبییەکان، ته‌واوی‌ بەرهەمەکانی یەکەمین دیداری نیشتمانی بۆ سەرۆک جەلال تاڵەبانی لەدووتوێی کتێبێکدا بڵاوکرایەوە کە رێوڕه‌سمه‌كه‌ سەعات 6ی ئێواره‌ لە هۆڵی كۆڕبه‌ندی به‌حر ئه‌لعلوم بۆ گفتوگۆ له‌ به‌غدا_جادریه‌ بەڕێوەچوو.

کتێبەکە لە لایەن دکتۆر ئیبراهیم بەحر العلوم ئامادەکراوە و لە 653 لاپەڕە پێکهاتووە و لە لایەن پەیمانگای ئەلعەلەمین بۆ خوێندنی باڵا بە چاودێری و پاڵپشتی دەزگای خێرخوازی بحر العلوم بڵاوکرایەوە.

یەکەم کۆڕبەندی نیشتمانی بەبۆنەی شەشەمین ساڵیادی کۆچیدوایی سەرۆک مام جەلال لەڕۆژی 3-10-2023 لەشاری نەجەف بەئامادەبوونی بافڵ جەلال تاڵەبانی سەرۆکی یەکێتیی نیشتمانیی کوردستان و د. لەتیف جەمال ڕەشید سەرۆک کۆماری عیراق و محەمەد شیاع سودانی سەرۆک وەزیرانی عیراق و دادوەر فائق زەیدان سەرۆکی ئەنجومەنی باڵای دادوەری و جینین پلاسخارت نوێنەری سکرتێری گشتیی نەتەوە یەکگرتووەکان لەعیراق و کۆمەڵێک بەرپرسی باڵای حکومەت و حیزب و کەسایەتییە دیارەکان و باڵیۆز و نوێنەرانی باڵیۆزەکانی نوێنەرایەتی دیپلۆماسی لەعیراق بەڕێوەچوو.

PUKMEDIA