بەهەوڵی فراکسیۆنی یەکێتی هاوردەکردنی تەماتە قەدەغەدەکرێت

پەڕەی تایبەتی د. بڕیار

د. بڕیار رەشید و بریکاری وەزارەتی کشتوکاڵی عیراق

بەهەوڵی فراکسیۆنی یەکێتی لەئەنجومەنی نوێنەرانی عیراق هاوردەکردنی تەماتە بۆ ماوەی مانگێک قەدەغەدەکرێت و ئەندامێکی فراکسیۆنەکەش دەڵێت: " وەکو بەڵێنمان بە جوتیاران دابوو کارکردنمان بەردەوام دەبێت بۆ پاراستنی بەرهەمەکانیان".

د. بڕیار ڕەشید ئەندامی فراکسیۆنی یەکێتی لە ئەنجومەنی نوێنەرانی عیراق بە وێبسایتی رەسمی یەکێتیی نیشتمانیی کوردستان PUKMEDIA ی راگەیاند: "دوای هەوڵی بەردەواممان وەک فراکسیۆنی (ی.ن.ک) و گەیاندنی داواکاری بەشێک لە جوتیارانی سنوری پارێزگایی سلێمانی، ئەنجومەنی ئاسایشی ئابوری بڕیاریدا لەسەر قەدەغەکردنی هاوردەکردنی تــەماتـە بۆ ماوەی مانگێک، تاوەکـو بەرهەمە ناوخۆیەکان ساغ ببنەوە".

"وەکو بەڵێنمان بە جوتیاران دابوو کارکردنمان بەردەوام دەبێت بۆ پاراستنی بەرهەمەکانیان ناچار نەکردنیان بەفڕێدانی بەرهەمەکانیان بەهۆی زۆری بەرهەمی هاوردە"، د. بڕیار ڕەشید وادەڵێت.

PUKMEDIA