فراکسیۆنی یەکێتی: نەتەوەیەکگرتوەکان رۆڵی کارای هەبێت لەسەرخستنی پرۆسەی هەڵبژاردن

PUKMEDIA

کۆبونەوەی نێردەی نەتەوە یەگرتووەکان لەگەڵ نوێنەرانی فراکسیۆنە کوردییەکان لەئەنجومەنی نوێنەرانی عیراق

نێردەی نەتەوەیەکگرتوەکان بۆ پێداویستیەکانی هەڵبژاردن سەردانی ئەنجومەنی نوێنەرانی عیراقیان کرد و لەگەڵ ژمارەیەک لەپەرلەمانتاران کۆبونەوە، نوێنەرایەتی فراکسیۆنی یەکێتیش دەڵێت: "داوامان کرد نەتەوەیەکگرتوەکان رۆڵی کارای هەبێت لەسەرخستنی پرۆسەی هەڵبژاردنی پەرلەمانی کوردستاندا".


نوێنەرایەتی فراکسیۆنی یەکێتی لە ئەنجومەنی نوێنەرانی عیراق لە راگەیەندراوێکدا کە کۆپییەکی بۆ وێبسایتی رەسمی یەکێتیی نیشتمانیی کوردستان PUKMEDIA نێردراوە رایگەیاند: "نێردەی تایبەتی نەتەوەیەکگرتووەکان بەمەبەستی خستنەرووی هاوکاریکردنی کۆمسیۆنی باڵای سەربەخۆی هەڵبژاردنەکانی عیراق لە پرۆسەی هەڵبژاردنی پەرلەمانی کوردستان سەردانی ئەنجومەنی نوێنەرانیان کرد".

"وەک نوێنەرانی فراکسیۆن گرنگی ئەنجامدانی هەڵبژاردنی پەرلەمانی کوردستانمان پێ راگەیاندن و بەرچاورونیشماندا کە متمانەمان بە ئەزمون و توانای کۆمیسیۆنی هەڵبژاردنەکانی عێراق هەیە کە بتوانێت بەباشی  پرۆسەی  هەڵبژاردن بەرێوە ببات، هاوکات ئەزمونێکی تاڵمان لەگەڵ کۆمیسیۆنی هەڵبژاردنەکانی کوردستان هەبووە، چونکە یاسای کۆمیسۆن و یاسای هەڵبژاردن لەکوردستان خزمەتی پاک و بێگەردی پرۆسەی هەڵبژاردنی نەکردووە"، لە راگەیەندراوەکەی نوێنەرایەتی فراکسیۆنی یەکێتی وا هاتووە.

نوێنەرایەتی فراکسیۆن ئەوەش دەخاتەروو، کە داوایان کردووە نەتەوەیەکگرتوەکان رۆڵی کارای هەبێت لەسەرخستنی پرۆسەی هەڵبژاردنی خولی شەشەمی پەرلەمانی کوردستاندا.

PUKMEDIA