پارێزگاری كەركوك: كار بۆ ئاوەدانكردنەوەی ناوچە زیانلێكەوتووەكان دەكەین

PUKMEDIA

رێبوار تەها پارێزگاری كەركوك و سەعد ئەمین، سەرۆكی سندوقی ئاوەدانكردنەوەی ناوچە زیانلێكەوتووەكان

پارێزگاری كەركوك رایدەگەیەنێت: "كار بۆ ئاوەدانكردنەوەی ناوچە زیانلێكەوتووەكان و گەڕ‌انەوەی ئاوارەكان بۆ زێدی خۆیان دەكەین".

رێبوار تەها پارێزگاری كەركوك لەگەڵ سەعد ئەمین، سەرۆكی سندوقی ئاوەدانكردنەوەی ناوچە زیانلێكەوتووەكان كۆبووەوەو لە دیدارەكەدا پرسی هەوڵە هاوبەشەكانی نێوان ئیدارەی كەركوك و سندوقەكە تاوتوێكران بە پشتبەستن بەو داواكارییانەی پارێزگاری كەركوك خستنیەڕ‌وو.

پارێزگاری كەركوك ئاماژەی بەگرنگی پاڵپشتیكردنی كەركوك و پڕۆسەی گێڕ‌انەوەی سەقامگیری و ئاوەدانكردنەوەی ناوچە زیانلێكەوتووەكان و كەمكردنەوەی ئازارەكانیان و گەڕ‌انەوەی ئاوارەكان بۆ زێدی خۆیان و دەستەبەركردنی مافی هاووڵاتییان و گەیاندنی خزمەتگوزارییە سەرەتاییەكانیان كرد، بەشێوەیەك كە پشتگیری لەپلان و كارە لەپیشینەكانی ئیدارە بكات لەخزمەتكردنی سەرجەم هاووڵاتییانی كەركوك لەسەرتاسەری قەزاو ناحیەكان و سەنتەری شاری كەركوك.

PUKMEDIA