پارێزگاری كه‌ركوك: كاری له‌پێشینه‌مان خزمه‌تكردنی هاووڵاتیانه‌

پارێزگای کەرکوک

كۆبونه‌وه‌ی سه‌رۆكی یه‌كه‌ كارگێڕ‌ییه‌كان و به‌ڕ‌ێوه‌به‌رانی به‌شه‌ خزمه‌تگوزارییه‌كان

له‌ میانه‌ی كۆبونه‌وه‌یه‌كی فراوانی سه‌رۆكی یه‌كه‌ كارگێڕ‌ییه‌كان و به‌ڕ‌ێوه‌به‌رانی به‌شه‌ خزمه‌تگوزارییه‌كاندا، پارێزگاری كه‌ركوك دووپاتی ده‌كاته‌وه‌ كه‌: "كاری له‌پێشینه‌مان خزمه‌تكردنی هاووڵاتییه‌و له‌گه‌ڵ هه‌موو خه‌ڵكی كه‌ركوك ده‌بین و وه‌ك یه‌ك تیم كار ده‌كه‌ین".

ڕ‌ێبوار ته‌ها پارێزگاری كه‌ركوك رایگه‌یاند: "ئێمه‌ كارده‌كه‌ین به‌ره‌و حكومه‌تێكی خزمه‌تگوزاری و له‌خه‌می دابینكردنی پێداویستییه‌كانی سه‌رجه‌م هاووڵاتیان ده‌بین".

"دڵنیاتان ده‌كه‌ینه‌وه‌ كه‌ كاره‌كانمان له‌پێناوی كه‌ركوك و خه‌ڵكه‌كه‌ی ده‌بێت و پلان و پڕ‌ۆژه‌كانمان ده‌گه‌یه‌نینه‌ سه‌رجه‌م گه‌ڕه‌ك و قه‌زاكان"، ڕ‌ێبوار ته‌ها وایوت.

پارێزگاری کەرکوک جه‌ختیشی له‌وه‌كرده‌وه‌:" ئه‌مڕ‌ۆ وه‌ك حكومه‌تێكی خزمه‌تگوزاری له‌ كه‌ركوك كارده‌كه‌ین، ئامانجی یه‌كه‌میشمان هاووڵاتی و باشتركردنی دۆخی خزمه‌تگوزارییه‌".

PUKMEDIA