پارێزگاى کەرکوک چوار زمان لەنوسراوە رەسمییەکاندا بەکاردەهێنێت

PUKMEDIA

کەرکوک

ڕێبوار تەها پارێزگارى کەرکوک داوا لە فەرمانگەو یەکە ئیدارییەکانى پارێزگاکە دەکات کە زمانى سریانیش هاوشێوەى زمانى کوردى و عەرەبی و تورکمانى بۆ نوسراوە ڕەسمییەکان بەکاربهێنرێت ، یەکەم کەسیش خۆی بوو کە بڕیارەکەی جێبەجێکرد و لەپەیجی رەسمی پارێزگای کەرکوک لە تۆڕی کۆمەڵایەتی فەیسبووک چالاکی رۆژانەی بە زمانی کوردی و عەرەبی و تورکمانی و سریانی بڵاوکردەوە.

بەپێی نوسراوێک کە ئیمزای پارێزگاری کەرکوکی لەسەرە و کۆپیەکی بۆ وێبساتی رەسمی یەکێتیی نیشتمانیی کوردستان PUKMEDIA نێردراوە، ئەمڕۆ دووشەممە 19-8-2024 دەرچووەو جێبەجێش دەکرێت ئاماژە بەوە کراوە، کە زمانی تورکمانی و سریانی لەپاڵ زمانەکانی کوردی و عەرەبی لە نوسراوە رەسمییەکانی فەرمانگەکان بەکاربهێنرێت و رایدەگەیەنێت: "برایەتی ناسنامەی کەرکوکە".

ئەمەش لەکاتێکدایە کە پارێزگاری پێشووی کەرکوک بەوەکالەت ئەو زمانانەی پشتگوێ خستوەو لە نوسراوە رەسمییەکاندا بەکارنەهێنراون، لەکاتێکدا کەرکوک پارێزگایەکی فرە پێکهاتەیە.

PUKMEDIA