ئاسایش ده‌ستگیركردنی سێ تۆمه‌تباری سوتاندنی چیای گۆیژه‌ راده‌گه‌یه‌نێت

PUKMEDIA

سێ تۆمەتبارەکەی سوتاندنی گۆیژە

به‌ڕ‌ێوه‌به‌رایه‌تی گشتی ئۆپراسێونه‌كانی ئاسایش، ده‌ستگیركردنی سێ تۆمه‌تباری سوتاندنی چیایی گۆیژه‌ ڕ‌اده‌گه‌یه‌نێت.

به‌ڕ‌ێوه‌به‌رایه‌تی گشتی ئۆپراسێونه‌كانی ئاسایشی سلێمانی له‌ راگه‌یه‌نراوێكدا كه‌ كۆپیه‌كی بۆ PUKMEDIA نێدراوه‌، ئاماژه‌ بۆ ئه‌وه‌ده‌كات:" دوای به‌دواداچوون و لێكۆڵینه‌وه‌كانی به‌ڕ‌ێوه‌به‌رایه‌تی گشتی ئۆپراسێونه‌كانی ئاسایش، توانیمان (سێ) تۆمه‌تبار ده‌ستگیر بكه‌ین، شه‌وی ٢٠٢٤/٧/٣٠ بكه‌ری سوتاندنی دره‌خت و پۆش و پاوان و تێكدانی به‌شێك له‌ ژینگه‌ و سروشتی جوانی چیای گۆیژه‌ بوون".

به‌ڕ‌ێوه‌به‌رایه‌تی گشتی ئۆپراسێونه‌كانی ئاسایش ئه‌وه‌شی خستوه‌ته‌ڕوو:" تۆمه‌تباران به‌پێی مادده‌ی (٣٤٢) له‌ یاسای سزادان ڕ‌اگیراون و ڕ‌ووبه‌ڕ‌وی یاسا كرانه‌وه‌".

PUKMEDIA