پارێزگاری كه‌ركوك: وه‌ك یه‌ك تیم خزمه‌تی هاووڵاتیان ده‌كه‌ین

PUKMEDIA

کۆبونەوەی پارێزگاری کەرکوک و بەرپرسانی شارەکە

پارێزگاری كه‌ركوك ماوه‌ی دوو هه‌فته‌ ده‌داته‌ شاره‌وانی شاره‌كه‌ بۆ پاككردنه‌وه‌ی سه‌رجه‌م شه‌قام و گه‌ڕ‌ه‌كه‌كانی شارو ده‌شڵێت:" به‌یه‌ك تیم خزمه‌تی هاووڵاتیان ده‌كه‌ین".

ڕ‌ێبوار ته‌ها پارێزگاری كه‌ركوك له‌میانه‌ی سه‌رپه‌رشتیكردنی كۆبوونه‌وه‌یه‌ك بۆ پاككردنه‌وه‌ی شار له‌گه‌ڵ هۆبه‌و به‌شه‌كانی شاره‌وانی شاره‌كه‌ پێی راگه‌یاندن:"ماوه‌ی دوو هه‌فته‌تان هه‌یه‌ بۆ پاككردنه‌وه‌ی شه‌قام و گه‌ڕ‌ه‌كه‌كانی شار".

"ڕ‌ێوشوێنی یه‌كلاكه‌ره‌وه‌ ده‌گرینه‌به‌ر و كه‌مته‌رخه‌م نابین له‌ ئاست خزمه‌تكردنی هاووڵاتیان و پاك و خاوێنی شاری كه‌ركوك"، ڕ‌ێبوار ته‌ها وایوت.

هاوكات له‌كۆبوونه‌وه‌یه‌كی دیكه‌دا كه‌ له‌گه‌ڵ سه‌رۆكی به‌شه‌كانی دیوانی پارێزگا ئه‌نجامیدا، رێبوار ته‌ها پارێزگاری كه‌ركوك رایگه‌یاند:"قۆناغی داهاتوو قۆناغی ئاوه‌دانكردنه‌وه‌و خزمه‌تگوزاری و پاڵپشتیكردنی پێكه‌وه‌ژیانی نێوان پێكهاته‌كانی كه‌ركوكه‌".

جه‌ختیشیكرده‌وه‌:" له‌پێشینه‌ی كاره‌كانمان‌ وه‌ك یه‌ك تیم پێشكه‌شكردنی باشترین خزمه‌تگوزاری و به‌ده‌ستهێنانی ئاوه‌دانكردنه‌وه‌و په‌ره‌پێدانی كه‌رته‌كانی پیشه‌سازی، بازرگانی، و كشتوكاڵ ده‌بێت".

PUKMEDIA