دژەتیرۆر: داعش پەلامارەكەی قەرەداغی ئەنجامداوە

PUKMEDIA

لۆگۆی بەڕێوبەرایەتیی گشتیی دژەتیرۆر

لەبارەی شەهیدبوونی دوو كارمەندی هێزەكانی ئاسایش لە قەرەداغ، بەڕێوبەرایەتیی گشتیی دژەتیرۆر راگەیەندراوێكی بڵاوكردەوەو رایدەگەیەنێت: "ئەو چەكدارانە شانەیەكی سەر بە ڕێكخراویی تیرۆرستیی داعش بوون"، ئاماژە بەوەشدەكات: "تاكوو دەستگیركردنی چەكدارەكان لێكۆڵینەوە لەڕووداوە تیرۆرستییەكە بەردەوامدەبێت".

دەقی راگەیەندراوەكە:

پاشنیوەڕۆی ئەمڕۆ هەینی، لە شارۆچكەی قەرەداغ لەكاتێكدا هێزەكانی ئاسایش لە ئەركی ئاسایی خۆیاندابوون لە نزیك یەكێك لە ناوچە شوێنەوارییەكانی سنوورەكە، چەند چەكدارێك ڕووبەڕووی هێزەكانی ئاسایش دەبنەوە و لە ئەنجامدا دوو كارمەندی هێزەكانی ئاسایش بە تەقەی چەكدارەكان شەهید دەكرێن.

بەپێی زانیارییە كۆكراوەكان ئەو چەكدارانە شانەیەكی سەر بە ڕێكخراویی تیرۆرستیی داعش بوون بە مەبەستی مانەوە و خۆحەشاردان هاتبوونە ناوچەكە.

دەزگا ئەمنییەكان لە لێكۆڵینەوە لەم ڕووداوە تیرۆرستییە بەردەوامدەبن تاكوو دەستگیركردنی چەكدارەكان و هاوكارەكانیان، لە ئەگەری هەر پێشهاتێكی نوێ هاووڵاتیان ئاگاداردەكرێنەوە.

بەڕێوبەرایەتیی گشتیی دژەتیرۆر
09/8/2024
PUKMEDIA