دژەتیرۆر تیرۆرستێک دەستگیر دەکات

PUKMEDIA

لۆگۆی دژەتیرۆر

لە درێژەی کار و چالاکییەکان بە مەبەستی پاراستنی ئاسایشی هەرێمی کوردستان و سەروماڵی هاوڵاتییان، بەڕێوەبەرایەتی گشتی دژەتیرۆر لە قەزای چەمچەماڵ تیرۆرستێک دەستگیردەکات.

لە ڕاگەیەندراوێکی بەڕێوەبەرایەتی گشتی دژە تیرۆر کە کۆپییەکی بۆ وێبسایتی رەسمی یەکێتیی نیشتمانیی کوردستان PUKMEDIA نێردراوە راگەیەندراوە: "لەقەزای چەمچەماڵ تیرۆرستێک دەستگیرکرا بەناوی (ل، ص، ع) لەدایکبووی ساڵی 1981 بە رەچەڵەک خەڵکی پارێزگای سەڵاحەدین-ە و لە قەزای چەمچەماڵ خۆی حەشاردابوو".

"ناوبراو پێشینەی کاری تیرۆرستیی هەبووە لەناو ڕێکخراوی تیرۆرستیی دەوڵەتی ئیسلامی (داعش)، توانرا لە ئۆپەراسیۆنێکدا لەلایەن هێزەکانی بەڕێوەبەرایەتی گشتی دژەتیرۆر CTG دەستگیربکرێت"، لەراگەیەندراوەکەی دژە تیرۆردا هاتووە.


PUKMEDIA