ستران عەبدوڵا: خۆ بچەمێنەو لەجێی ئەفسانەی (هەژماری من) گوێ لەهاواری هەموان بگرە

PUKMEDIA

ستران عەبدوڵڵا

ستران عەبدوڵا ئەندامی سەرکردایەتی یەکێتیی نیشتمانیی کوردستان، لە وتارێکدا باسی چەمینەوە و چەماندن  دەکات و دەڵێت:" خۆ بچەمێنە لە بەردەم ویستی میللەتەکەت وەختێ داوای موچەی لە وادەی خۆی و گوزەرانی شەرەفمەندانە ترت لێ دەکا و کاتێ خزمەتگوزاری ئاو و کارەبا و ئاوەدانی شایانی سێ دەیەی دوای راپەڕینی پێویستە".

ستران عەبدوڵا لەوتارەکەیدا کە بۆ PUKMEDIA ی ناردووە و لە بەشی بیرورا بڵاو کراوەتەوە دەڵێت:" داینەوێنە و  لە جێی ئەفسانەی (هەژماری من) گوێ لە هاواری من و ئەوانە و هەموومان بگرە کە پێش راپۆرتەکانی ئەمنستی و خارجیەی دونیا بە کوردی و کرمانجی پێتدەڵێین  گرتن و هەندێک دادگای کەیسسازی  و ستەمی سیاسیی دەستپێک و سەرەتان بۆ نەمانی شەرعیەتی حوکمڕانی و سەرەتانێکن  کە دوایی تەشەنە دەکا و تەنی هەموو نیشتمان دەگرێتەوە".

" مەسەلە چەمین و خۆ چەماندن نییە، وەڵلا هێزی رەسەن و خاکی و خاکەڕا ، کوردانە و خۆمانە چی لێ چاو نییە بۆ گەلەکەی. بە چەمینیەشەوە....، بۆ گەل بچەمێوە و  شانی ماچ بکە و بەریشی قەسەم بخۆ کە پێت دەڵێ دانیشە و با بەشێنەیی حیکایەت و نەقلی هەموو خۆبەزلزانەکانت بۆ بگێڕمەوە وەختێک دوای بێدەنگکردن و  کپکردن و خەساندن ناچار دەبیت بۆ  بێگانە  و داگیرکەرانی بسەلمێنی و بۆیانی بچەمێنیتەوە" ستران عەبدوڵا وادەڵێت..

لینکی تەواوی وتارەکە...

PUKMEDIA