حەوت باڵیۆزی نوێی وڵاتان کارنامەکانیان پێشکەشی سەرۆککۆمار دەکەن

PUKMEDIA

سەرۆککۆمار کارنامەی کاری بالیۆزان وەردەگرێت

حەوت باڵیۆزی نوێی وڵاتان لە عیراق دەستبەکاردەبن و کارنامەی کاریان پێشکەش بە د. لەتیف جەمال رەشید سەرۆککۆماری عیراق دەکەن.

بەگوێرەی راگەیەندراوێکی نوسینگەی رۆژنامەوانی سەرۆککۆمار کە وێنەیەکی بۆ PUKMEDIA نێردراوە، باڵیۆزی نوێی هەریەک لە باڵیۆزانی نوێی کۆماری سڕبیا و تورکیا و سۆماڵ و مالاوی و باشوری ئەفریقا و سلۆڤینیا و جۆرجیا، لە عیراق دەستبەکاردەبن و ئەمڕۆ 27-6-2024 لەمەراسیمی پرۆتۆکۆلی جیادا سەرۆککۆماری عیراق کارنامەی کاری لێوەرگرتن.

هەر بەگوێرەی راگەیەندراوەکە سەرۆککۆماری عیراق تەئکیدی لە پەرەپێدانی پەیوەندییەکانی عیراق لەگەڵ ئەو وڵاتانە و پاراستنی بەرژەوەندییە هاوبەشەکان کردەوە و پێی راگەیاندن: "سیاسەتی دەرەوەی عیراق لەسەر بنەمای رێزگرتن و پشتبەستنە بە دیالۆگ بۆ پەرەپێدانی پەیوەندییەکان"، هاوکات لای خۆشیانەوە باڵیۆزانی نوێ پشتیوانی وڵاتەکەیان بۆ پتەوکردنی پەیوەندییەکانیان لەگەڵ عیراق دوپاتکردەوە.

PUKMEDIA