ناساندن بۆ بەرگی سێیەمی کتێبی ئینسكلۆپیدیای شەهیدانی یەكێتی لەپارێزگای هەولێر کرا

محەمد یاسین

کتێبی ئینسكلۆپیدیای شەهیدانی یەكێتیی نیشتیمانیی كوردستان لەپارێزگای هەولێر

لەساڵۆنی لاپەڕە نۆ بەرگی سێیەمی (ئینسكلۆپیدیای شەهیدانی یەكێتیی نیشتیمانیی كوردستان لەپارێزگای هەولێر ) ناساندنی بۆ كرا 

ئەمرۆ ساڵۆنی لاپەڕە نۆی ناوەندی هەولێری مەکتەبی ڕاگەیاندن و هۆشیاری (ى.ن.ك)، بەئامادەبوونی كەس و كاری سەربەرزی شەهیدان و تێكۆشەران و رۆشنبیران مەراسیمی ناساندن و بڵاوکردنەوەی بەرگی سێیەمی  (ئینسكلۆپیدیای شەهیدانی یەكێتیی نیشتیمانیی كوردستان لەپارێزگای هەولێر  ) لەئامادەكردنی نوسەر (حەیدەر مەنتك )سازكرد.

كۆڕەكە بەساتێك وەستان بۆ گیانی پاكی شەهیدان دەستیپێكرد و دواتر نوسەر حەیدەر مەنتك لەكۆڕەكەدا روو لەئامادەبووان باسی لەناوەرۆكی بەرگی سێیەمی ( ئینسكلۆپیدیای شەهیدانی یەكێتیی لەپارێزگای هەولێر ) كرد.

بەرگی سێیەمی (ئینسكلۆپیدیای شەهیدانی یەكێتیی نیشتیمانیی كوردستان لەپارێزگای هەولێر ) لەسەر ئەركی شاڵاو كۆسرەت رەسوڵ چاپكراوە و لە ٩١٥ لاپەڕە پێکهاتووە کە ٤١٤ شەهید لە خۆ دەگرێت.
PUKMEDIA