رووناک فەرەج کۆچی دوایی کرد

PUKMEDIA

رووناک فەرەج

رووناک فەرەج چالاکوانی بواری مافەکانی ژنان ئەمڕۆ دووشەممە 17ـی 6ـی 2024 کۆچی دوای کرد.

رووناک فەرەج بەرپرسی رێکخراوی راگەیاندن و رووناکبیری ژنان و چالاکوانی بواری مافەکانی ژنان بوو، ئەمڕۆ لە شاری  سلێمانی کۆچی دوایی کرد.

مەرگی ناوادەی ژنە چالاکوان و نووسەرو رۆژنامەنوس و لێکۆڵەری پرسە کۆمەڵایەتیەکان رووناک فەرەج رەحیم کەلێنێکی گەورە دەخاتە بزوتنەوەی ئازادیخوازی و مافەکانی ژنان لەکوردستاندا.

سەرۆک بافڵ پرسەنامەیەک ئاڕاستەی کەسوکار و بنەماڵەی رووناک فەرەج دەکات

‎بەداخێكی زۆرەوە هەواڵی کۆچی خاتوو رووناك فەرەج، رۆژنامەنووس، چالاکوانی مافی ژنان، کادری پێشکەوتووی یەکێتیی نیشتمانیی کوردستان و لێپرسراوی  رێکخراوی راگەیاندن و رووناکبیریی ژنان لە دڵەوە نیگەرانیكردین.

‎بۆ ئەم خەمە گەورەیە پرسە و سەرەخۆشی ئاڕاستەی کەسوکار و بنەماڵە سەربەرزەكەیان دەکەم و هاوبەشی ماتەمیانم.

‎لەخوای گەورە داواکارم کۆچکردوو بە بەهەشتی بەرین شادبکات و سەبووری بە هەموولایەک ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان  

پرسەنامەی مەکتەبی سیاسی یەکێتی

بەڕێزان کەسوکاروو خانەوادەی کۆچکردو رووناک فەرەج چالاکوانی بواری مافەکانی ژنان .


بەداخەوە هەواڵی مەرگی ناوادەی ژنە چالاکوان و نوسەرو رۆژنامەنوس  (رووناک فەرەج رەحیم) مان پێگەیشت، بۆ ئەم خەمە پرسە و سەرخۆشی خۆمان ئاراستەی بەرێزتان و هەڤاڵانی لە رێکخراو و چالاکوانانی مافەکانی ژنان لەکوردستان دەکەین.

لەیەزدانی مەزن داواکارین سەبوری و ئارامی هەموولایەک بدات و جێگای کۆچکردوو بە بەهەشتی بەرین بێت.

مەکتەبی سیاسیی
یەکێتیی نیشتمانیی کوردستان

بۆردی راگەیاندنی یەکێتی سەرەخۆشی لە بنەماڵە و هاوڕێ وهاوپیشەکانی خاتوو رووناک فەرەج دەکات 

بەداخ و خەمێکی قوڵەوە. ئێوارەی ئەمڕۆ ڕۆژنامەنووس و چالاکوانی بواری خەباتی ژنان و کادری دیاری  یەکێتیی نیشیمانیی کوردستان، ڕوناک فەرەج بەرپرسی ڕێکخراوی ڕاگەیاندن و ڕوناکبیریی ژنان، پاش چەند ڕۆژ مانەوە لە نەخۆشخانە لە شاری سلێمانی کۆچی دواییکرد و جێی هێشتین. 

بۆ ئەم ئازار و کۆچە ناوەختە، بەناوی بۆردی ڕاگەیاندن و سەرجەم میدیاکارانی ڕاگەیاندنی یەکێتیی نیشتمانیی کوردستانەوە، پرسە و سەرەخۆشی لە خانەوادە و کەسوکار و هاوڕێ و هاوپیشەکانی دەکەین و دەپاڕێینەوە لە یەزدانی مەزن، جێگەی کۆچکردو بەهەشتی نەبڕاوە بێت و سەبووریی و ئارامیش بە هەموو لایەک ببەخشێت. 

خاتوو ڕوناک فەرەج، وەک قەڵەمێکی سەنگین و ژنێکی سەلاری خەباتی نەتەوەیی و یەکسانیی، بەردەوام لە ڕیزی پێشەوەی خەباتدا بووە و هەرگیز لە باوەڕ و بنەماکانی خەبات پاشەکشەی نەکردوە، لە کۆنفرانسی دووەمی ڕاگەیاندنی یەکێتیی نیشتمانیی کوردستانیش وەک بڕیاردەری لیژنەی سیاسەتی میدیایی ڕۆڵێکی دیاری بینیوو و جێدەستی دیاربوو، بەڵام ئەفسوس مەرگی ناوەختی نەیهێشت بەری ڕەنج و ماندوبوونی ببینێت. 

جارێکی تر سەرەخۆشی دووبارە دەکەینەوە

بۆردی ڕاگەیاندنی یەکێتیی نیشتمانی کوردستان
PUKMEDIA