riklam

کۆماندۆی کوردستان حەشارگەکانی تیرۆریستان خاپور دەکات

کوردستان 08:11 PM - 2024-06-25
لۆگۆی کۆماندۆی کوردستان کۆماندۆی کوردستان

لۆگۆی کۆماندۆی کوردستان

هێزی كۆماندۆی كوردستان ئۆپەراسیۆنێكیان بۆ سنوری گەرمیان ئەنجامدا و ژمارەیەك حەشارگەی داعشیان لەو ناوچانە خاپووركرد.

بەگوێرەی راگەیەندراوێکی فەرماندەیی هێزەکانی کۆماندۆی کوردستان کە وێنەیەی بۆ وێبسایتی رەسمی یەكێتیی نیشتمانیی كوردستان PUKMEDIA  نێردراوە ئاشکرایدەکات، کە ئۆپەراسیۆنەکە بەپشت بەستن بە زانیارییەكانی تۆڕی هەواڵگریی سەر بە فەرماندەیی هێزەكانی كۆماندۆی كوردستان و پشتیوانی هاوپەیمانان بەرەبەیانی ئەمڕۆ سێشەممە ٢٥ی حوزەیرانی ٢٠٢٤ چەند تیمێكی شەڕكەری "كوڕانی كۆماندۆ" لە گەڵ هێزی هاوپەیمانان ئۆپەراسیۆنێكیان بۆ سەر ژمارەیەك حەشارگەی داعش لە ناوچەی "تاوێرکەوە" لە سنوری گەرمیان ئەنجام داوە.

بەگوێرەی ڕاگەیەندراوەکە: "لە ڕێگەی تیمێكی یەكەی (هاوەن)ـی هێزەکانمان ژمارەیەك حەشارگەی داعش خاپوور كرا و دواتر "كوڕانی كۆماندۆ" دەستیان بەكێوماڵ كردنی ناوچەكە كرد".

 

بەپێی راگەیەندراوەکە تیرۆرستان ناو بەناو وەك شوێنی كۆبونەوە و دانانی پیلانی هێرشكردن ئەو حەشارگانەیان بەكاریان دەهێنا، كە ئامانجی سەرەكی ئۆپراسیۆنەكەش خاپووركردنی ئەو شوێنانە بوو، هاوكات  بۆمبێکی چێنراوی تیرۆرستانیش لەلایەن تیمێكی (E.O.D)ی كۆماندۆی كوردستانەوە پۆچەڵكرایەوە، ئۆپەراسیۆنەكەش بە سەركەوتوویی كۆتاییهات.
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket