ئاسایش دەستبەسەر کارگەیەکی پێکەوەنانی ئۆتۆمبێلدا دەگرێت

PUKMEDIA

لۆگۆی ئاسایش

دەزگای ئاسایشی هەرێم، دەستبەسەر کارگەیەکی پێکەوەنانی ئۆتۆمبێلی بێسەرەتا و بڕاوە دەگرێت و دەستگیرکردنی (١٠) تۆمەتباریش ڕادەگەیەنێت.

لە ڕاگەیەدراوێکدا کە کۆپیەکی بۆ PUKMEDIA نێردراوە دەزگای ئاسایشی هەرێم ڕایگەیاندووە: "بەڕێوەبەرایەتی ئاسایشی ڕۆژئاوای سلێمانی، دوای بەدواداچوون و چاودێری وورد، لەچالاکییەکەدا ڕۆژی ٢٠٢٤/٦/٢ بەهەماهەنگی بەڕێوەبەرایەتی بازگەکان، توانیان لەناوچەی ( چیمەن ) نزیک شاری کەرکوک، دەستبگرن بەسەر کارگەیەکی پێکەوەنان و لەحیمکردنەوە، کە (١٧) ئۆتۆمبێلی بێ سەرەتا و بڕاوەی تێدابوو، بەڕێگای نایاسایی لەشاری بەسرەوە هێنرابوون و تۆمەتباران بەنیازبوون دوای چاکردنەوەی ئۆتۆمبێلەکان لە کوردستان ساغیبکەنەوە، بەبڕیاری دادوەری لێکۆڵینەوەی ئاسایش سەرجەم تۆمەتباران دەستگیرکران".

ئاماژە بەوەش کراوە: "لەئێستادا تۆمەتباران بەماددەی( ٢٤٠ )لەیاسای سزادان ڕاگیراون و لێکۆڵینەوە لەدۆسیەکانیان بەردەوامە".

PUKMEDIA