پەخشی تەلەفزیۆنی گەلی کوردستان رادەگیرێت

PUKMEDIA

لۆگۆی کەناڵی ئاسمانی گەلی کوردستان

پەخشی تەلەفزیۆنی گەلی کوردستان(GK) بۆ ماوەی (48) سەعات رادەگیرێت و دوای ئەو ماوەیە بە کۆمەڵێک گۆڕانکاریی و بەرنامەی نوێوە دەست بە پەخش دەکاتەوە.

دڵبەند مستەفا بەڕێوەبەری کەناڵی ئاسمانیی گەلی کوردستان بەوێبسایتی رەسمیی یەکێتیی نیشتمانیی کوردستان  PUKMEDIA ی راگەیاند: "تەواوی ئامادەکاریکراوە بۆدەستپێکردنی وەرزێکی نوێی تەلەفزیۆنی گەلی کوردستان و سەعات 7ی ئیوارەی ئەمڕۆ پەخشی تەلەفزیۆنەکە بۆ ماوەی 48 سەعاتی داهاتوو رادەگیریت و سەعات 7ی ئێوارەی رۆژی شەممە پەخشی کەناڵەکە دەستپێدەکاتەوە".

" لەوەرزی نوێدا تەلەفزیۆنی گەلی کوردستان 15 بەرنامەی نوێ و 15 بەرنامەی پێشووی ماوە و بەگشتی 30 بەرنامەی هەمەلایەن لە کەناڵەکە پێشکەش دەکرێن، کە زۆرێک لە بوارەکانی لەخۆگرتووە و لەرووی کوالێتی و هورنەریی و بەرنامە و پێشکەشکردنەوە گۆرانکاریی تێدا کراوە"، دڵبەند مستەفا وایوت.

تەلەفزیۆنی گەلی کوردستان یەکێکە لە کەناڵە بینراوەکانی مەکتەبی راگەیاندن و هۆشیاری بۆردی راگەیاندن و  لە 1-6-2008، پەخشی ئاسمانی كەناڵەکە بە شێوەزاری (سۆرانی ، كرمانجی ) دەستیپێكردو لەرێوڕەسمێكدا لەلایەن سەرۆك مام جەلال-ەوە كرایەوە.

كەناڵی ئاسمانی گەلی كوردستان یەكێكە لە دامەزراوە میدیاییەكانی یەكێتی نیشتمانی كوردستان ، گرنگی دەدات بەوهەواڵ و زانیارییانەی كە خزمەت بە كۆمەڵانی خەڵكی كوردستان دەكات.

 - لە 11-9-1991 ، وەك یەكەم كەناڵی كوردی دوای ڕاپەڕین بەووتارێكی مێژوویی سەرۆك مام جەلال ، پەخشی ناوخۆیی لەشاری سلێمانی دەستیپێكرد.

 - لە 1-6-2008  ، پەخشی ئاسمانی كەناڵی گەلی كوردستان بەهەردوو شێوەزاری (سۆرانی ، كورمانجی ) دەستیپێكردوو لەڕێوڕەسمێكدا لەلایەن سەرۆك مام جەلال كرایەوە.

 
 - نێردراوی لەزۆربەی شارەكانی كوردستان و عیراق و وڵاتانی ناوچەكەو جیهان هەیە.

-لەشەڕی تیرۆریستانی داعشدا ناسناوی كەناڵی پێشمەرگەی پێبەخشرا ، لەپای گواستنەوەی بەردەوامی هەواڵ و چالاكییەكانی هێزی پێشمەرگەی كوردستان.

لەئێستا پەخشی كەناڵی ئاسمانی گەلی كوردستان لەسەر هێڵی نایل سات بە فریكوێنسی 11636 V  / 27500 Hبەردەوامە .

PUKMEDIA