ئاسایش ئەنجامی لێکۆڵینەوە لە کارگەیەکی هۆشبەر ئاشکرا دەکات

PUKMEDIA

لۆگۆی ئاسایش

دەزگای ئاسایشی هەرێم، ئەنجامی لێکۆڵینەوە و دەستبەسەرداگرتنی کارگەیەکی ماددەی هۆشبەر لەسنووری ناحیەی مەیدان کەلەسەرەتای دروستکردنیدا بوو بڵاو کردەوە، هەروەها دەست بەسەر بڕی ١٤٠ کیلۆگرام ماددەی هۆشبەری خراپ بوو گیراوە و پێنج کەسیش دەستیگکراون.

‎عەقید سەلام عەبدوخالق، لێپرسراوی راگەیاندنی دەزگای ئاسایشی هەرێم رایگەیاند: "هێزەکانی دەزگای ئاسایشی هەرێم لەناحیەی مەیدان لە رۆژی ٢٠٢٤/٤/٢٩ دەستیان بەسەر کارگەیەکی ماددەی هۆشبەردا گرت کە کەلەسەرەتای دامەزراندنیدابوو، هەروەها پێنج کەسیشیان دەستگیرکرد".

‎بەپێی راگەیەندراوێکی دەستگای ئاسایش کە وێنەیەکی بۆ PUKMEDIA نێردراوە تییدا هاتووە: "دەزگای ئاسایشی هەرێم، لەچوارچێوەی لێکۆڵینەوەکان بە بڕیاری دادوەر فەرمانی دەستگیرکردن بۆ سێ کەسیتر دەردەکات و لە کارگەکەدا دەست بەسەر بڕی ١٤٠ کیلۆگرام ماددەی هۆشبەری خراپ بوو گیرا، هەروەها لەدرێژەی لێکۆڵینەوەکان بەڕێوەبەرایەتی نەهێشتنی ماددە هۆشبەرەکان لەقەزای کەلار تۆمەتبارێکان دەستگیرکرد و دەستگیرا بەسەر بڕی (یەک تۆن و حەوت سەت و شەست و پێنج کیلۆگرام) ماددەی سەرەتایی هۆشبەر".

‎لە راگەیەندراوەکەشدا هاتووە: "وردەکاری لێکۆڵینەوەکانی دەزگای ئاسایشی هەرێم، ئەوە دەردەخەن کە کارگەی ماددە هۆشبەرەکە لە سەرەتای دروستکردنیدابووە و بەهیچ شێوەک نەگەیشتوەتە ئاستی بەرهەمهێنان".
PUKMEDIA