پێنج تیرۆریست لە سلێمانی دەستگیردەکرێن

PUKMEDIA

لۆگۆی ئاسایش

دەزگای ئاسایشی هەرێم پێنج تیرۆریست دەستگیردەکات کە یەکێکیان لێپرسراوی کارگەی دروستکردنی ماددەی تەقەمەنی و عەبوەناسفەیە .

بەگوێرەی راگەیەندراوێکی دەزگای ئاسایش کە وێنەیەکی بۆ PUKMEDIA نێردراوە دەڵێت:" پاش بەدواداچوون و لێکۆڵینەوەی وورد لەسەر شوێنی خۆحەشاردان و مانەوەیان و پاش رەزامەندی دادوەری لێکۆڵینەوە لە چەند ئۆپەراسیۆنێکی جیادا هەر پێنج تیرۆریستی داواکراو ( ح ، خ ) ، ( ح ، ح ) ، ( ع ، ص ) ، ( ئ ، ع ) ، ( ع ، ف ) کە بەرەگەز عەرەبن و هەڵاتوون لە یاسا لە سنوری سلێمانی دەستگیرکران".

بەڕێوەبەرایەتی گشتی ئۆپەراسیۆنەکانی ئاسایش، لەسەر بنەمای زانیاری هەواڵگری و بەدواداچوون، لەڕۆژی ١٥ تا ٢٠ی ٥ / ٢٠٢٤ پێنج تیرۆریستەکەی لەسنووری پارێزگای سلێمانی دەستگیرکردووە.

لە راگەیەندراوەکەدا ئاشکرا کراوە کە: "تیرۆریستێکیان لێپرسراوی کارگەی دروستکردنی ماددەی تەقەمەنی و عەبوە ناسفەیە".

"هەر پێنج-یان پێشینەی کاری تاوانکاریان هەبووە و لەدادگاکانی عیراق داواکراو بوون،دواتر رووبەڕووی یاسا و دادگا کرانەوە"، لە راگەیەندراوەکەدا هاتووە.
PUKMEDIA