هێزەکانی هاوپەیمانان و 70 ی پێشمەرگە: پەیوەندییەکان پەرەی پێبدرێت

تایبەت

فەرماندەی گشتی ھێزەکانی ٧٠ و وەفدێکی باڵای سەربازی هێزەکانی هاوپەیمانان

رۆژی ٢٢ ئایار ۲۰۲٤،  لیوا رکن عومەر ساڵح حەسەن فەرماندەی گشتی ھێزەکانی ٧٠  پێشوازی لە وەفدێکی باڵای سەربازی هێزەکانی هاوپەیمانان کرد، کە پێکهاتبوون لە عەقید ڤێسی لێپرسراوی  ڕاوێژکاریی ئۆپەراسیۆنە هاوبەشەکان لە هەرێمی کوردستان،  عەقید ڕەینگاس لێپرسراوی لیوای یاریدەدەری هێزە ئەمنییەکان و رائد نیکۆلاس و وەفدێکی سەربازی.


بەگوێرەی  راگەیەندراوێکی رۆژنامەنوسی هێزەکانی 70 لە   کۆبوونەوەیەکدا  گفتوگۆکراوە لەبارەی جموجۆڵەکانی ئەم دواییەی تیرۆریستانی داعش و  پەرەپێدانی هەماهەنگییە سەربازییەکانی نێوان هێزی پێشمەرگەو هێزەکانی عیراق و هاوپەیمانان و هه‌ردوولا جه‌ختیان له‌ دانانى پلانێكى تۆكمه‌ى یه‌كگرتوو كرده‌وه‌ به‌مه‌به‌ستى بنبڕكردنى هه‌وڵه‌ تیرۆریستیه‌كان پاراستنی سەقامگیری و ئاسایشی وڵات .


لە راگەیەندراوەکەدا هاتووە کە هەردوولا هاوڕابوون  کە هەماهەنگی و پەیوەندیەکانی نێوان هێزی پێشمەرگەی کوردستان و هێزەکانی هاوپەیمانان لەچوارچێوەی بەرژەوەندییە باڵاکان و یاسا بەرکارەکان  زیاتر پتەو تر بکرێت و بەرەو پێش ببرێت، ئەمەش بە ئامانجی سەرخستنی تەواوی ئەو پرسانەی هێزی پێشمەرگەی کوردستان ئامانجیەتی جێبەجێیان بکات.

PUKMEDIA