دادگای فیدراڵی سكاڵاكه‌ی مه‌سرور بارزانی له‌باره‌ی كورسی پێكهاته‌كان ره‌تكرده‌وه‌

PUKMEDIA

باڵەخانەی دادگای فیدراڵی

دادگای فیدڕاڵی سکاڵاکەی مەسرور بارزانی سەرۆکی حکومەتی کاربەڕێکەری لەبارەی کورسی پێکهاتەکان رەتکردەوە و فەرمانە سالارییەکەشی هەڵوەشاندەوە.

تەلار لەتیف لێپرسراوی ناوەندی کاروباری یاسایی یەکێتیی نیشتمانیی کوردستان بە PUKMEDIA ی راگەیاند: "دوای ئەوەی مەسرور بارزانی سەرۆکی حکومەتی کاربەڕێکەر سکاڵای لەسەر بڕگەی 2 لە ماددەی 2 لە دادگای فیدراڵی تۆمارکردبوو، هاوکات یەکێتیی نیشتمانیی کوردستان وەک کەسی سێهەم لەناو کۆمسیۆندا تانەی لە سکاڵاکەی سەرۆکی حکومەتی کاربەڕێکەر دا، دادگای فیدراڵی لە دانیشتنی ئەمڕۆیدا سکاڵاکەی مەسرور بارزانی رەتکردەوە".

"لە تانەکەماندا سەرجەم بەڵگەنامە یاسایی و دەستورییەکان لەڕێگای تیمی پارێزەرانمانەوە پێشکەش بە دادگای فیدراڵی کردبوو، لەو روانگەیەشەوە دادگای فیدراڵی دوای دوو جار دواخستنی دانیشتنەکە، دواجار ئەمڕۆ 21-5-2024 بڕیاری رەتکردنەوەی سکاڵاکەی سەرۆکی حکومەتی کاربەڕێکەری دەرکرد"، تەلار لەتیف وادەڵێت.

تەلار لەتیف ئاماژەی بەوەشدا: "بە رەتکردنەوەی سکاڵاکەی مەسرور بارزانی، فەرمانە سالارییەکە، کە پێشتر دادگای فیدراڵی بڕیاری لێدابوو هەڵوەشاندوە، بەمەش کۆمسیۆنی باڵای سەربەخۆی هەڵبژاردنەکانی عیراق دەتوانێت دەست بە کارەکانی بۆ سەرپەرشتیکردنی هەڵبژاردنی پەرلەمانی کوردستان بکاتەوە".

ئەمەش لەکاتێکدایە، پێشتر یەکێتیی نیشتمانیی کوردستان تانەی لە پێشکەشکردنی سکاڵاکەی مەسرور بارزانی لە دادگای فیدراڵی داو دادگای فیدراڵیش دوای دوو جار دواخستنی دانیشتنەکانی لەسەر ئەو پرسە، لە دانیشتنی ئەمڕۆیدا بڕیاریدا بە رەتکردنەوەی سکاڵاکەی مەسرور بارزانی، ئەمەش لە روانگەی خستنەڕووی بەڵگەکان لەسەر نایاسایی سکاڵاکە لەلایەن تیمی پارێزەرانی یەکێتی-یەوە
PUKMEDIA