دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد

PUKMEDIA

ئەنجومەنی نوێنەرانی عیراق

ئه‌مڕۆ شه‌ممه‌ 18ـی 5ـی 2024 ئه‌نجومه‌نی نوێنه‌رانی عیراق بۆ هه‌ڵبژاردنی سه‌رۆكێكی نوێ كه‌ ركابه‌رییه‌كه‌ له‌نێوان دوو كاندیدی سوننه‌كاندایه‌ كۆبووە و هاوکات لەکۆبوونەوەکەدا‌ خوێندنەوەی دووەم بۆ دوو پرۆژە یاسا کرا.

له‌و باره‌یه‌وه‌ د.بڕیار رەشید ئه‌ندامی ئه‌نجومه‌نی نوێنه‌رانی عیراق له‌ فراكسیۆنی یه‌كێتیی نیشتمانیی كوردستان به‌ PUKMEIDA ی راگه‌یاند: ئەنجومەنی نوێنەرانی عیراق بە ئامادەبوونی 311 پەرلەمانتار لەکۆبوونەوەدایە و سەرەتای کۆبوونەوەکەش دەنگدرا بەدرێژکردنەوەی وەرزی یاسادانان بۆ ماوەی 30 رۆژ".

"هاوکات لەدانیشتنەکەدا خوێندنەوەی دووەم بۆ پرۆژەیاسای پشووە رەسمییەکان و هەموواری یاسای کۆمسیۆنی باڵای سەربەخۆی هەڵبژاردنەکان کرا"، د. بڕیار وایوت

ئەو ئەندامەی ئەنجومەنی نوێنەران وتیشی:" تا ئێستاش دانیشتنەکە بەردەوامە و دەنگدان بۆ هەڵبژاردنی سەرۆکێکی نوێ بۆ پەرلەمان دەستیپێکردووە و هەریەک سالم عیساوی و مه‌حمود مه‌شهه‌دانی، دوو ركابه‌ری دیاریی سونه‌كانن بۆ وه‌رگرتنی پۆستی سه‌رۆكی په‌رله‌مان".

PUKMEDIA