یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە

PUKMEDIA

بەپەلە

ناوەندی کاروباری یاسایی یەکێتیی نیشتمانیی کوردستان لە رێگەی رزگار حەمەد لێپرسراوی مەکتەبی هەڵبژاردنی یەکێتیی نیشتمانیی کوردستان و رێپێدراوی حزب، تانەی لە بڕیارەکەی کۆمسیاران لەبارەی هەڵپەساردنی کارە هونەری و داراییەکان داو، ئەمڕۆش دەستەی دادوەری هەڵبژاردن لە بەرژەوەندی تانەکەی یەکێتی بڕیاریدا و کۆمسیۆنی پابەندکرد بە دەستپێکردنەوەی رێکارەکانی هەڵبژاردنی پەرلەمانی کوردستان".

دەستەی دادوەری هەڵبژاردن لەبەرژەوەندی یەکێتی بڕیاریدا

تەلار لەتیف لێپرسراوی ناوەندی کاروباری یاسایی یەکێتیی نیشتمانیی کوردستان لە لێدوانێکی تایبەتدا بۆ وێبسایتی رەسمی یەکێتیی نیشتمانیی کوردستان PUKMEDIA رایگەیاند: "دەستەی دادوەری هەڵبژاردن لە بەرژەوەندی یەکێتی بڕیاریداو کۆمسیۆنی پابەندکرد بە دەستپێکردنەوەی رێکارەکانی هەڵبژاردنی پەرلەمانی کوردستان".

"بەپێی بڕیارەکەی دەستەی دادوەری هەڵبژاردن پێویستە کۆمسیۆن دەستبکاتەوە بە جێبەجێکردنی رێکارەکانی هەڵبژاردنی پەرلەمانی کوردستان"، تەلار لەتیف وای وت.

ئەنجومەنی کۆمسیاران بڕیاری دەستپێکردنەوە دەدات

ئەنجومەنی کۆمسیاران بڕیار لە دەستپێکردنەوەی کارەکانی کۆمسیۆن بۆ ئەنجامدانی هەڵبژاردنی پەرلەمانی کوردستان دەدات، ئەمەش لە کاتێکدایە دەستەی دادوەری هەڵبژاردن لە بڕیارێکدا کە ئەمڕۆ 16-5-2024 داوێتی کۆمسیۆنی پابەندکردووە بە دەستپێکردنەوەی کارەکانی هەڵبژاردنی پەرلەمانی کوردستان.

جومانە غەلای وتەبێژی کۆمسیۆنی باڵای سەرب ەخۆی هەڵبژاردنەکانی عیراق بە وێبسایتی رەسمی یەکێتیی نیشتمانیی کوردستان PUKMEDIA ی راگەیاند: " لە دوای بڕیارەکەی دەستەی دادوەری هەڵبژاردن، کۆمسیۆنی باڵای هەڵبژاردنەکان لە چاوەڕوانی بڕیاری کۆتایی ئەنجومەنی کۆمسیارانە بۆ دەستپێکردنەوەی کارەکانی بۆ ئەنجامدانی هەڵبژاردنی خولی شەشەمی پەرلەمانی کوردستان".

"پێویستە ئەنجومەنی کۆمسیاران بڕیار لەسەر بڕیارەکەی دەستەی دادوەری هەڵبژاردن بدات، کە داوای کردووە كۆمیسیۆن ئامادەكارییەكانی بۆ هەڵبژاردنی پەرلەمانی كوردستان دەستپێدەكاتەوە"، جومانە غەلای وای وت.

كۆمسیۆن رێوشوێنه‌كان بۆ سازدانی هه‌ڵبژاردنی پەرلەمانی كوردستان ده‌ستپێبكاته‌وه‌

پێشتر ئەنجومەنی کۆمسیاران بڕیاریداوە تایەکلایکردنەوەی ئەو سکاڵایەی کە لەسەر بڕگەی دوو لە ماددەی دوو تۆمارکراوە و دادگای فیدراڵی بڕیاری لەسەر دەدات، کۆمسیۆن کارە هونەری و داراییەکانی هەڵپەسێرێت، لەوچوارچێوەیەشدا ناوەندی کاروباری یاسایی یەکێتیی نیشتمانیی کوردستان لە رێگەی رزگار حەمەد لێپرسراوی مەکتەبی هەڵبژاردنی یەکێتیی نیشتمانیی کوردستان و رێپێدراوی حزب، رۆژی ٨-٥-٢٠٢٤ تانەی لەبڕیارەکەی ئەنجومەنی کۆمسیاران، لەبارەی راگرتنی کارە هونەریی و داراییەکانی هەڵبژاردنی داهاتووی پەرلەمانی کوردستان-دا، له‌سه‌ر ئەو بنەمایەش، ده‌سته‌ی دادوه‌ریی هه‌ڵبژاردنه‌كانی عیراق بڕیاره‌ وه‌لائییه‌كه‌ی رۆژی 7ی ئه‌م مانگه‌ی دادگای فیدراڵی ره‌تده‌كاته‌وه،‌ كه‌ له‌سه‌ر بنه‌مای سكاڵایەکی مه‌سرور بارزانی ده‌ریكرد، ده‌سته‌كه‌ داوا له‌ كۆمسیۆنی هه‌ڵبژاردنه‌كان ده‌كات رێوشوێنه‌كانی بۆ سازدانی هه‌ڵبژاردنی پەرلەمانی كوردستان ده‌ستپێبكاته‌وه‌.

PUKMEDIA