riklam

تۆماری بایۆمەتری لەهەرێم دەستپێدەکاتەوە

کوردستان 10:59 AM - 2024-05-14
کارتی تۆماری بایۆمەتری  PUKMEDIA

کارتی تۆماری بایۆمەتری

كۆمسیۆنی باڵای هەڵبژاردن

کۆمسیۆنی باڵای سەربەخۆی هەڵبژاردنەکان بڕیاریدا پرۆسەی تۆماری بایۆمەتری لە پارێزگاکانی هەرێمی کوردستان دەستپێبکاتەوەو لە نوسراوێکدا کە ئیمزای بڕیاردەری ئەنجومەنی کۆمسیارانی لەسەرە هاتووە: "بڕیاردراوە رێکارەکان بگیرێتە بەر و پەنجەمۆری دەنگدەران وەربگیرێت".

 

جومانه‌ غه‌لای وته‌بێژی كۆمسیۆنی باڵای سه‌ربه‌خۆی هه‌ڵبژاردنه‌كانی عیراق به وێبسایتی رەسمی یەکێتیی نیشتمانیی کوردستان  PUKMEDIA ی رایگه‌یاند:"  ئەنجومەنی کۆمسیاران بڕیاریداوە پرۆسەی تۆماری بایۆمەتری لە سەرجەم پارێزگاکان و لەو چوارچێوەشدا پارێزگاکانی هەرێمی کوردستان دەستپێبکاتەوە، لەسەر داوای بەڕێوەبەرایەتی ئۆپەراسیۆنەکان لە ئەنجومەن".

 

هاوکات لە نوسراوێکدا کە ئیمزای د. فاخر محەمەد بڕیاردەری ئەنجومەنی کۆمسیارانی لەسەرە و کۆپیەکی بۆ PUKMEDIA نێردراوە هاتووە: "دەستبکرێت بە وەرگرتنی پەنجەمۆری ئەو دەنگدەرانەی ناویان تۆمارە لە بایۆمەتری هەرێمی کوردستان و بەرێوەبەرایەتییەکانی سەربە هەڵبژاردن رێکارەکان بگرنە بەر".

 

سلێمانی لە پلەی یەکەمدایە

 

بەپێی زانیاریەکانی PUKMEDIA کە لە کۆمسیۆنەوە وەریگرتووە، پارێزگای سلێمانی لە پلەی یەکەمدایە بۆ وەرگرتنەوەی کارتی دەنگدان، بەشێوەیەک هەفتانە زیاتر لە 15 هەزار کارتی دەنگدان وەردەگیرایەوە، ئەمەش لەکاتێکدایە تا کۆتایی مانگی رابردوو 52 هەزار و 109 كارتی بایۆمەتری دەنگدان لە عیراق دراوەتەوە بە دەنگدەران، کە 37 هەزار و 373 کارتیان لەهەرێم بووە.

 

دادگای فیدراڵی فەرمانی وەلائی دەرکرد

رۆژی 7-5-2024 دادگای باڵای فیدراڵیی عیراق لە وەڵامی سکاڵایەکی مەسرور بارزانی فەرمانی وەلائی دەرکرد، بە مەبەستی ڕاگرتنی جێبەجێکردنی بڕگەی (دووەم)ی ماددەی (2) لە سیستمی تۆمارکردن و پەسەندکردنی لیستی کاندیدەکانی هەڵبژاردنی پەرلەمانی هەرێمی کوردستان ژمارە (7)ی ساڵی 2024، کە تێیدا هاتووە (پەرلەمانی هەرێمی کوردستان لە (100) کورسیی پێک دێت کە بەسەر ئەم بازنانەی هەڵبژاردندا دابەش کراون: پارێزگای هەولێر 34 کورسی،  سلێمانی 38 کورسی، دهۆک:25 کورسی و  هەڵەبجە 3 کورسی).


PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket