riklam

ئەنجومەنی نوێنەران وادەیەک بۆ هەڵبژاردنی سەرۆکێکی نوێ دیاریدەکات

عیراق 02:44 PM - 2024-05-13
ئەنجومەنی نوێنەرانی عیراق PUKMEDIA

ئەنجومەنی نوێنەرانی عیراق

ئەنجومەنی نوێنەران

سەرۆکایەتی ئەنجومەنی نوێنەران وادەیەکی بۆ هەڵبژاردنی سەرۆکی نوێی پەرلەمان دیاریکردوو نوێنەرێکی یەکێتیش دەڵێت: "بەهۆی هەڵنەبژاردنی سەرۆکێکی نوێ وەرزی پشووی پەرلەمان درێژکراوەتەوە".


کاروان یاروەیس ئەندامی ئەنجومەنی نوێنەرانی عیراق لە فراکسیۆنی یەکێتی بە وێبسایتی رەسمی یەکێتیی نیشتمانیی کوردستان PUKMEDIA ی راگەیاند: "بەهۆی هەڵنەبژاردنی سەرۆکێکی نوێ سەرۆکایەتی پەرلەمان وەرزی پشووی پەرلەمانی لە 9-5-2024 بۆ 9-6-2024 درێژکردەوە، کەوادەیەک دیاریکراوە بۆ هەڵبژاردنی سەرۆک، کە دوو کەس پشتیوانی دەکرێت لەناو ئەندامانی ئەنجومەن".


"هۆکارێکی تریش بۆ درێژکردنەوەی ماوەی پشووی پەرلەمان ئەوەیە کە حکومەتی فیدراڵ دەیەوێت یاسای موازەنە بنێرێت بۆ نوێنەران و ئێمەش دەمانەوێت هەمواری یاسای کۆمسیۆن پەسەندبکرێت"، کاروان یاروەیس وای وت.


سەرۆکایەتی پەرلەمان وادەی هەڵبژاردنی سەرۆک دیاریدەکات


ئەمەش لەکاتێکدایە فەرمانگەی راگەیاندنی ئەنجومەنی نوێنەرانی عیراق لە بەیاننامەیەکدا کە کۆپییەکی دەست وێبسایتی رەسمی یەکێتیی نیشتمانیی کوردستان PUKMEDIA ی راگەیاند: "سەرۆکایەتی ئەنجومەنی نوێنەران بڕیاریدا رۆژی شەممەی داهاتوو 18-5-2024 دانیشتنی ئەنجومەن تایبەت بە هەڵبژاردنی سەرۆکێکی نوێ بۆ پەرلەمان ئەنجامبدرێت".


پێشتر ئەنجومەنی نوێنەران بۆ هەڵبژاردنی سەرۆکێکی نوێ دانیشتنی ئەنجامدا و بەهۆی ناکۆکی نێوان لایەنەکانەوە هەڵبژاردنەکە ئەنجام نەدرا و بۆ کاتێکی نادریار دواخرا، بەمەش سەرۆکی نوێی پەرلەمانی عیراق هەڵنەبژێردرا.


PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket