ئه‌نجومه‌نی وه‌زیران تاوتوێی به‌ هه‌میشه‌ییكردنی فه‌رمانبه‌رانی گرێبه‌ست ده‌كات

PUKMEDIA

بینای ئەنجومەنی وەزیران

ئه‌مڕ‌ۆ  2024-5-8ئه‌نجومه‌نی وه‌زیرانی هه‌رێمی كوردستان كۆده‌بێته‌وه‌و تاوتوێی پرسی به‌ هه‌میشه‌ییكردنی فه‌رمانبه‌رانی گرێبه‌ست ده‌كات كه‌ ژماره‌یان زیاتر له‌ 30 هه‌زار كه‌سه‌.

ئامانج ره‌حیم له‌ په‌ڕ‌ه‌ی تایبه‌تی خۆی له‌تۆڕ‌ی كۆمه‌ڵایه‌تی فه‌یسبووك بڵاویكردووه‌ته‌وه‌، له‌ ماوه‌ی ڕ‌ابردوودا به‌هاوكاری وه‌زاره‌تی دارایی و ئه‌نجومه‌نی راژه‌ له‌گه‌ڵ سه‌رۆكی دیوان و سه‌رۆكی فه‌رمانگه‌ی هه‌ماهه‌نگی، راپۆرتێكی پڕ‌ زانیارییان له‌سه‌ر كه‌یسی گرێبه‌سته‌كان ئاماده‌كردووه‌ بۆ ئه‌نجومه‌نی وه‌زیران له‌سه‌ر بنه‌مای زانیارییه‌كانی ناو لیستی مووچه‌ی مانگی ئاداری فه‌رمانبه‌رانی گرێبه‌ست كه‌ له‌ لایه‌ن وه‌زاره‌تی دارایی فیدراڵ و چاودێریی دارایی فیدراڵیش لیستی مووچه‌یان وه‌ك گرێبه‌ست په‌سه‌ندكراوه‌.

ئاماژه‌ی بۆ ئه‌وه‌شكردووه‌، هه‌ندێك له‌گرێبه‌سته‌كان 14 ساڵ خزمه‌تییان هه‌یه‌ و نزیك بوونه‌ته‌وه‌ له‌ته‌مه‌نی خانه‌نشینی، ژماره‌ی گرێبه‌سته‌كانیش 30 هه‌زار كه‌سی تێپه‌ڕ‌اندووه‌.

PUKMEDIA