داهاتی یەک هەفتەی سلێمانی زیاتر لە 20 ملیارە

PUKMEDIA

پلاتفۆرمی شەفافیەت

داهاتی یەك هەفتەی سلێمانی لە رۆژی 20-4-2024 تا 26-4-2024، بڕی 20 ملیار و 119 ملیۆن و 953 هەزار و 306 دینار بووە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك،  بڕی 20 ملیار و 119 ملیۆن و 953 هەزار و 306 دینار بووە ، بەجۆرێك كە 73% ی داهاتەکە بەشێوەی نەختینەیە و 15%داهاتەکە بەشێوەی چەکە و 12%داهاتەکە مقاصەیە.

ئەمەش لەکاتێکدایە بەبۆنەی پشووەکانی جەژنی پیرۆزی رەمەزانەوە، داهاتەکە بەراورد بە هەفتەکانی رابردوو کەمترە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت www.shafafiat.net، بڕیارە هەموو رۆژێك داهاتی ئەو شوێنانە بڵاوبكرێتەوە.

PUKMEDIA