وته‌بێژی كۆمسیۆن: 10ی ئایار بانگەشەی هەڵبژاردن دەستپێدەکات

PUKMEDIA

جومانە غەلای وتەبێژی کۆمسیۆن

كۆمسیۆنی سه‌ربه‌خۆی هه‌ڵبژاردنه‌كانی عیراق له‌ ئاماده‌كارییه‌كانی بۆ به‌ڕێوه‌چوونی هه‌ڵبژاردنی په‌رله‌مانی كوردستان به‌رده‌وامه‌ و وته‌بێژی كۆمسیۆنه‌كه‌ش ده‌ڵێت:"له‌ ئاماده‌كارییه‌كانمان هه‌نگاوی باشمان بڕیوه‌و بنكه‌ی ده‌نگدانیش بۆ زیندانیان و نه‌خۆشان ده‌كرێنه‌وه‌".

جومانه‌ غه‌لای وته‌بێژی كۆمسیۆنی باڵای هه‌ڵبژاردنه‌كانی عیراق به‌سایتی ره‌سمیی یه‌كێتیی نیشتمانیی كوردستان PUKMEDIA ی راگه‌یاند:" ئاماده‌كارییه‌كانمان بۆ ئه‌نجامدانی هه‌ڵبژاردنی داهاتووی په‌رله‌مانی كوردستان له‌و واده‌یه‌ی سه‌رۆكی هه‌رێم دیاریكردووه‌ به‌رده‌وامه‌ و بۆ ئه‌و مه‌به‌سته‌ش هه‌نگاوی باشمان بڕ‌یوه‌".

"به‌پێی بڕ‌یاره‌كانی ئه‌نجومه‌نی كۆمسیاران بانگه‌شه‌ی هه‌ڵبژاردن له‌ 10ی ئایار ده‌ستپێده‌كات و له‌ 6-6-2024 رۆژێك پێش ده‌نگدانی تایبه‌ت كۆتاییدێت، بڕ‌یاری كۆتاییش له‌باره‌ی بانگه‌شه‌وه‌ لای كۆمسیارانه‌"،جومانه‌ غه‌لای وایوت.

وته‌بێژی كۆمسیۆنی هه‌ڵبژاردنه‌كانی عیراق ئاماژه‌ی به‌وه‌شكرد:" به‌پێی بڕ‌یاره‌كان به‌ندكراوه‌كان و نه‌خۆش و كارمه‌ندانی ته‌ندروستی له‌هه‌رێمی كوردستان له‌رۆژی ده‌نگدانی تایبه‌تدا ده‌نگده‌ده‌ن كه‌ بنكه‌ی تایبه‌تیان بۆ دیاریكراوه‌ ".

PUKMEDIA