د. بڕیار رەشید: تەوتینی مووچە لەهەرێم بە ئاسانی دەکرێت

PUKMEDIA

سەرۆکی بانکی رافیدەین و د. بڕیار رەشید

نوێنەرێکی فراکسیۆنی یەکێتی بەمەبەستی کردنەوەی لقی بانکەکانی رەشید و رافیدەین لە هەرێمی کوردستان سەردانی بەڕێوەبەرانی هەردوو بانک دەکات و لەئەنجامی کۆبونەوەکان رێگاکانی کردنەوەی هەردوو لق دەخاتەروو.

د. بڕیار رەشید ئەندامی ئەنجومەنی نوێنەرانی عیراق لە فراکسیۆنی یەکێتیی نیشتمانیی کوردستان بە وێبسایتی رەسمی یەکێتی PUKMEDIA ی راگەیاند: "سەردانی بانکەکانی رەشید و رافیدەینمان کرد بەمەبەستی کردنەوەی لقی هەردوو بانک لەهەرێمی کوردستان و لەگەڵ بەڕێوەبەری گشتی هەردوو بانک بەڕێزان د. عەلی کەریم و محەمەد سەمیر کۆبوینەوە".

تەوتین چۆن دەکرێت؟

ئاماژەی بەوەشکرد: "کە دەرئەنجامی هەردوو کۆبونەوە و بەدواداچونەکانمان بەم شێوەیە بوو بۆ ئەنجامدانی توتین بۆ هاوڵاتیانی هەرێم راستەوخۆ تەنها بە ناردنی ـ ناوی چواری کەسەکە، ناوی  سیانی دایک، کارتی نیشتمانی، کارتی زانیاری، کە لە ڕێگەی وەزارەتی دارایی هەرێمەوە، بانکەکان دەتوانن تەوتین بکەن، واتە پێویستی بە هاتنی هاوڵاتیان خۆیان نییە و دواتریش لەڕێگەی فەرمانگـەکانیانەوە کارتەکانیان بۆ دەنێردرێتەوە و هاوڵاتیان لە هەر ئامێرێکی ( ATM ) یاخود دەروازیەکی پارەدارکردن ئەتوانن موچەکانیان رابکێشن، هاوکات کردنەوەی لقەکانی بانکەکان بۆ کارئاسانی زیاتر و سودمەندبوونی هاوڵاتیانە لە خزمەتگوزارییەکان وەک قەرز بۆ کڕین یان دروست کردنی خانوو یان قەرز بۆ  پرۆژەی جۆراو جۆر و تەواوی خزمەتگوزاریەکانی تر".

"کردنەوەی لقی دوو بانکی ناوبراو پێویستیان بە هەماهەنگی تەنها وەزارەتی دارایی عیراق و تۆماری خانووبەرە هەیە، چونکە لاینەکانی تر وەک و وەزارەتی دارای عیراق و بانکەکان و بانکی ناوەندی هەموو ئامادەییان تێدایە"، د. بڕیار وای وت.

ئەرکە لەسەر حکومەت موڵکیان بۆ دابینبکات

ئەندامەکەی فراکسیۆنی یەکێتی ئاماژەی بەوەشکرد: "ڕاستە موڵکەکانی ڕافیدەین و ڕەشید کە لەلایەن حکومەتی هەرێم بەکاردێت و بۆ دام و دەزگای تر بەڵام ئەمە بابەتێکی سەرەکی نییە و ڕێگرییەکی ڕاستی نییە لە کردنەوەی ئەو فەرعانە و ئەم موڵکانە مەرج نییە بگەڕێندرێتەوە و مەرج نییە بەتەواوی قەرەبوو بکرێتەوە بۆ ئەو دوو بانکە،  تەنها لە سەرەتادا مادام خۆیان موڵکیان هەبووە و هەیە،  ئەرکە لەسەر حکومەت کە  موڵک ( بینا)یان بۆیان دابین بکات، و ئەم بینانە ڕووبەری  گەورەی پێوسیت نییە. بەڵکو تەنها لە ڕووبەری  ١٥٠-٢٠٠ مەتر دەتوانن فەرعەکانیان بکەنەوە".

"ئەوەی کە ئەو دوو بانکە  چاوەڕوانن کۆبونەوەی هاوبەش و دروست کردنی لیژنەی هاوبەش بۆ دەست کردنی بە هەنگاوی کرداری، حکومەتی هەرێم دەخەینە بەردەم بەرپرسیاری بەدواداچون و هەماهەنگی بۆ ئەم پرسە، ئەمەش لەکاتێکدایە بانکی رافیدەین و رەشید هەردووکی خاوەنی ئاپلیکەیشنی خۆیانن و هەموو ئەو تازەگەریانەی  لە بانکی ئەهلیدا هەیە بۆ  بەکارهێنەر لە شێوازی بەکارهێنان و ناردنی پارە لە ڕێگەی مۆبایلەوە و کڕین  و هتد… لەم دوو بانکەشدا هەیە"، نوێنەرەکەی فراکسیۆنی یەکێتی وای وت.

لینکی فایلی موڵکـەکانی بانکی ڕەشید و ڕافیدەین لە کوردستان لە چەناڵی فەرمی تێلگرامان هەیە:

‏https://t.me/drBryar

PUKMEDIA