ئاسایش سێ تۆمەتبار دەستگیر دەکات

PUKMEDIA

لۆگۆی دەزگای ئاسایش

بەڕێوەبەرایەتی ئاسایشی پارێزگای سلێمانی دەستگیرکردنی سێ تۆمەتباری راگەیاند کە زیانی مادی ٢٨ ملیۆن دیناریان بە هاووڵاتییەک گەیاندووە.

لە راگەیەندراوێکی بەڕێوەبەرایەتی ئاسایشی پارێزگای سلێمانی دا کە وێنەیەکی بۆ PUKMEDIA نێردراوە ، تێیدا هاتووە: "دوای بەداواداچوون و لێکۆڵینەوە بۆ سکاڵای هاووڵاتیەک سەبارەت بە سوتانی کەپرێکی فرۆشتنی سەوزە و میوەی کاسبکارێک لە شاری سلێمانی، پاش سووتانی لەلایەن چەند تۆمەتبارێک و زیانی زۆری ماددی لێدەکەوێتەوە، دەستبەجێ بەهەوڵی بەڕێوەبەرایەتی ئاسایشی سلێمانی، لەسەر فەرمانی دادوەری لێکۆڵینەوە لە توانرا سێ تۆمەتباری رووداوەکە بدۆزرێتەوە و دەستگیربکرێن".

لە راگەیەندراوەکەشدا ئاماژە بەوە دراوە: "لەماوەی ڕابردوودا پاش دزیکردن چوار جارە کەپری کەسبکارێکی شاری سلێمانی دەسوتێنن بەمەبەستی وونکردنی شوێن پەنجەی تاوانەکەیان و زیانی مادی زۆری لێ دەکەوێتەوە، لەماوەی سوتانی سێ جاری پێشوتر نزیکەی (١١) ملیۆن دینار زیانی دەبێ و لەسوتانی چوارەمی (١٧) ملیۆن دینار زیانی مادی پێ دەگات بە دزینی (دۆمەڵان و هەنگوین و چەندین تۆن سەوزەو ومیوە)و تەواوی کەپرەکەی دەسوتێنن، هەروەها لەئێستادا تۆمەتباران بەماددەی ( ٣٤٢) لەیاسای سزادان دەستگیرکراون و لێکۆڵینەوە لەدۆسیەکانیان بەردەوامە".
PUKMEDIA