زیاتر لە ٥٠ هەزار گەشتیار ڕوویان لە سلێمانی کردووە

PUKMEDIA

هاتنی گەشتیاران بۆ سلێمانی

بەپێی ڕاگەیەندراوێکی بەڕێوەبەرایەتی گشتی گەشتوگوزاری سلێمانی کە کۆپیەکی بۆ PUKMEDIA نێدراوە تێیدا هاتووە، "بەمەبەستی بەسەربردنی کاتێکی خۆش لە پشووی جەژنی ڕەمەزان، زیاتر لە( ٥٠،٠٠٠) پەنجا هەزار گەشتیار سەردانی سنووری پارێزگای سلێمانیان کردووە".

 لەچوارچێوەی ئامادەکارییەکان بۆ هاتنی گەشتیاران لەسلێمانی و بەمەبەستی هەڵسەنگاندنی چۆنیەتی پێشوازی گەشتیاران بە شێوەیەکی مەیدانی، شاهۆ عوسمان جێگری پارێزگاری سلێمانی و ئەندازیار شاناز عامر بدران بەڕێوەبەری گشتی گەشتوگوزاری سلێمانی ئەمڕۆ ٢٠٢٤/٤/١١ سەردانی بازگەی تاسڵوجەیان کرد و دەستخۆشیان لە ئەفسەر و کارمەندانی هێزە ئەمنیەکان کرد لە بەرامبەر پێشوازی شایستەی گەشتیاران.
 
هاوکات لە بەشێکی دیکەی سەردانەکەیاندا  بەشێک لە مۆڵەکانی سلێمانییان بەسەرکردەوە، لە نزیکەوە لەگەڵ بەشێک لە خاوەن مۆڵەتە گەشتیاریەکان و خاوەنکاران و گەشتیاران گفتوگۆیان کرد، دەرکەوت بەشێوەیەکی گونجاو پێشوازی لە گەشتیاران کراوە.

PUKMEDIA