یەكێتی پێداگرە لەسەر هەڵبژاردن و وادەکەی
کوردستان 04:19 PM - 2024-04-06لۆگۆی یەکێتیی نیشتمانیی کوردستان و کۆمسیۆنی هەڵبژاردنەکانی عیراق، پڕۆسەی دەنگدان
یەكێتیی نیشتمانیی كوردستان ئامادەكاریی تەواوی بۆ هەڵبژاردنی پەرلەمانی كوردستان لە ١٠-٦-٢٠٢٤ دا كردووە و بەپێی پەیامەكانی بافڵ جەلال تاڵەبانی سەرۆكی یەكێتی و راگەیەندراوی رەسمی مەكتەبی سیاسیی، "یەكێتیی تەئکید لەسەر هەڵبژاردن لەوادەی خۆیدا دەکاتەوە نایەوێت هەڵبژاردن دوابخرێت".
هەڵبژاردن خزمەت بە قەوارەی هەرێم دەکات
ئارێز عەبدوڵڵا
ئەندامی سەرکردایەتی یەکێتیی نیشتمانیی کوردستان لەلێدوانێکدا بە وێبسایتی PUKMEDIA ی راگەیاند:" یەکێتی سورە لەسەر ئەنجامدانی هەڵبژاردن
لەوادەی خۆیدا و بڕیاری خۆی ناگۆڕێت، چونکە مانەوەی قەوارەی هەرێمی کوردستان بەندە
بە دیموکراسی و هەڵبژاردنەوە".
"هەرچەندە چەند جارێک وادەی ئەنجامدانی هەڵبژاردن
دواخرا، بەڵام پێمان وایە ئەم وادەیەی کۆتایی کە دانراوە کاتێکی گونجاوە بۆ ئەنجامدانی
پرۆسەکە و خزمەت بە قەوارەی هەرێم و هاووڵاتیان دەکات، چونکە بە ئەنجامنەدانی
هەڵبژاردن دامودەزگاکانی حکومەت بە کاربەڕێکەری دەمێننەوە و لەژێر چاودێری و
نوێنەرایەتی خەڵکدا کارناکەن، هاوکات پێگەی هەرێم لەناو عیراق و دەرەوەش لاواز
دەبێت و پرۆسەی سیاسی و دیموکراسی بۆ دواوە دەگەڕێتەوە، هەروەها ئەزموونی هەرێمی
کوردستان نیشانەی پرسیاری دەکەوێتەسەر و رەنگە بارودۆخەکە خراپتریش ببێت لەوەی کە ئێستا
هەیە"، ئارێز عەبدولڵا وایوت.
٢٠ حزب و ٢ هاوپەیمانێتی بەشداری پرۆسەكە دەكەن
لەهەر چوار
بازنەکەی هەڵبژاردنی پەرلەمانی کوردستان کە پاریزگاکانی ( سلێمانی و هەولێر و دهۆک
و هەڵەبجە) دەگرێتەوە، ٢٠ حزب و ٢ هاوپەیمانێتی و زیاتر لە ٦٠ کاندیدی سەربەخۆ بەشداری
پرۆسەکە دەکەن.
د.هەیمان تەحسین
حەمید بەڕێوەبەری گشتی فەرمانگەی كاروباری پارت و رێكخراوە سیاسییەكان لەكۆمسیۆن
بە وێبسایتی رەسمی یەكێتیی نیشتمانیی كوردستان PUKMEDIA ی راگەیاند:" لەرۆژی ١٤-٣-٢٠٢٤ تێكڕا ٢٠ حزب و ٢ هاوپەیمانێتی
و ٦٢ كاندیدی سەربەخۆ بۆ بەشداریكردن لە پرۆسەكە تۆماركراون، كە لەبازنەكانی هەڵبژاردنی
پەرلەمانی كوردستان بەشداردەبن".
یەکێتی ئامادەیە بۆ هەڵبژاردن
یەکێتیی نیشتمانیی کوردستان ئامادەیە بۆ هەڵبژاردن و بەڕەسمیی لیستی
کاندیدەکانی لەهەر چوار بازنەکە پێشكەش بە كۆمسیۆنی باڵای سەربەخۆیی هەڵبژاردنەكانی عیراق کردووە.
رزگار حاجی حەمە
لێپرسراوی مەكتەبی هەڵبژاردنی یەكێتی لە لێدوانێكی تایبەتدا بە وێبسایتی رەسمیی یەكێتیی
نتیشتمانیی كوردستان PUKMEDIA ی راگەیاند :" رۆژی ٣١-٣-٢٠٢٤ بەڕەسمی لیستی كاندیدەكانمان
لە سنوری هەرچوار بازنەی (سلێمانی ، هەولێر ، دهۆك ،هەڵەبجە ) پێشكەش بە كۆمسیۆنی
باڵای سەربەخۆیی هەڵبژاردنەكانی عیراق كردووە و ئێمە ئامادەین بۆ هەڵبژاردنی پەرلەمانی
كوردستان".
زیاتر لە هەزار ناوەندی دەنگدان دەکرێتەوە
ئەنجومەنی كۆمسیاران
بۆ هەڵبژاردنی داهاتووی پەرلەمانی کوردستان زیاتر لە هەزار ناوەندی دەنگدان دەکاتەوە.
"جومانە غەلای
وتەبێژی كۆمسیۆنی هەڵبژاردنەکانی عیراق لە لێدوانێكدا بۆ وێبسایتی PUKMEDIA رایدەگەیەنێت:" ئەنجومەنی كۆمسیاران بڕیاریدا بۆ هەڵبژاردنی
داهاتووی پەرلەمانی كوردستان هەزار و ٢٦٦ ناوەندی دەنگدان بكاتەوە، كە ٦ هەزار و
٥٤٢ بنكەی دەنگدان لەخۆدەگرێت و سەرجەمیان لەژێر چاودێری كامێرادان" .
ئەمەش
لەکاتێکدایە نێچیرڤان بارزانی سەرۆكی هەرێمی كوردستان بەمەرسوومی رەسمی رۆژی 10/6ی
ئەمساڵی دیاریكرد وەك وادەی هەڵبژاردن بۆ خولی شەشەمی پەرلەمانی كوردستان، بەوتەی
بەڕێوەبەری گشتی فەرمانگەی كاروباری پارت و رێكخراوە سیاسییەكانیش لەكۆمسیۆن:"
٢٠ حزب و دوو هاوپەیمانی و زیاتر لە ٦٠ کاندیدی سەربەخۆ لەبازنەكانی هەڵبژاردنی پەرلەمانی
كوردستان بەشداری پرۆسەكە دەكەن".
PUKMEDIA
هەواڵی زیاتر
-
سالار مەحمود: پەرلەمان بووەتە قوربانی ململانێی نا سیاسی
09:38 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
02:32 PM - 2024-05-03
ئەمانەش ببینە
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
05:23 PM - 2024-05-03
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
03:22 PM - 2024-05-03
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
11:43 AM - 2024-05-03
داهاتی هەفتەی رابردووی سلێمانی زیاتر لە 26 ملیار دینارە
08:46 AM - 2024-05-03
زۆرترین خوێنراو
-
شاڵاو کۆسرەت رەسوڵ: لەخزمەتی خانەوادەی شەهیداندا دەبین
ی ن ک 06:29 PM - 2024-05-03 -
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
کوردستان 05:23 PM - 2024-05-03 -
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
کوردستان 03:22 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
کوردستان 02:32 PM - 2024-05-03 -
پرسەنامەی قوباد تاڵەبانی بۆ خانەوادەی شێخ فەریق تاڵەبانی
پرسەنامە 01:57 PM - 2024-05-03 -
مەکتەبی سکرتارییەت: یەکێتی بە شانازییەوە لە رابردووی تێکۆشەرەکانی دەڕوانێت
ی ن ک 01:56 PM - 2024-05-03 -
سەرۆک بافڵ لەگەڵ سەرۆکوەزیرانی عیراق کۆدەبێتەوە
عیراق 01:22 PM - 2024-05-03 -
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
کوردستان 11:43 AM - 2024-05-03