کەناڵی گەلی کوردستان: چارەسەرکردنی کێشەی مووچە بەڵێنی سەرۆکی یەکێتییە

PUKMEDIA

کەناڵی گەلی کوردستان

بەشی هەواڵ و بەدواداچوونی کەناڵی گەلی کوردستان وەڵامی کەناڵ 24  و پەیجە سێبەرەکانی پارتی دەداتەوە و رایدەگەیەنێت:" جنێو و پەلاماری یەكێتیی نیشتمانیی کوردستان و دادگای فیدراڵی مەدەن، چونكە هاتنی ئەو مووچەیەی كە ئێوە بەدەستكەوتی خۆتان دەزانن و ناوتان  ناوە سەرکەوتن، بەرهەمی دیپلۆماسیەت و هەوڵ و كۆششی یەكێتی و لەئەنجامی بڕیارێكی دادگای فیدراڵیە".


لە راگەیەنراوێکدا سەبارەت بە چەند هەواڵێکی چەواشەکارانەی کەناڵ 24  و پەیجە سێبەرەکانی پارتی، بەشی هەواڵ و بەدواداچوونی کەناڵی گەلی کوردستان رایدەگەیەنێت:" دوای هەوڵ و كۆششێكی زۆری یەكێتیی نیشتمانیی كوردستان، بەتایبەتی هەوڵە بەردەوامەكانی سەرۆك بافڵ جەلال تاڵەبانی بۆ چارەسەركردنی كێشەی مووچەی فەرمانبەرانی هەرێمی كوردستان و جێبەجێكردنی بەڵێنێكی تری سەرۆكی یەکێتییە كە پێشتر بەمامۆستایانی راگەیاندبوو، کە ئێوە بایكۆت بشكێنن و شەڕی چارەسەركردنی كێشەی مووچە لەبەغدا بۆ ئێمە جێبهێڵن، سەرەنجام دادگای فیدراڵ لەبەرژەوەندی مووچەخۆرانی  هەرێمی كوردستان بریارێكی دەركرد و سودانی لەکۆبوونەوەیێکدا لەگەڵ تیمی حكومی وپەرلەمانی یەکێتی لەبەغدا بەڵێنی جێبەجێکردنی بریارەکەی دادگای فیدراڵی و چارەسەرکردنی کێشەی مووچەی فەرمانبەرانی هەرێمی بە یەکێتی دا".


راشیدەگەیەنێت:" تائەوكاتە سەرچاوە باڵا و رەسمییەكانی لایەنێكی سیاسی وەهایان بانگەشە دەكرد كە دادگای فیدراڵی عیراق بەهەمان عەقڵیەتی حزبی بەعس بڕیار لەدژی هەرێمی كوردستان  دەردەكات و بڕیارەكانی سیاسین، بانگەشەی ئەوەشیان دەكرد گوایە دادگای فیدراڵی بەپێی بەرژەوەندی یەكێتی بڕیاردەدات، كەچی كاتێك بڕیارەكە لەلایەن حكومەتی فیدرالیەوە خرایە بواری جێبەجێكردنەوە و داوا لەحكومەتی هەرێم كرا رێكارو رێوشوێنی ئیداری بگرێتەبەر بۆ دابەشكردنی مووچەی فەرمانبەران و بۆ ئەو مەبەستە هەماهەنگی لەگەڵ حكومەتی ناوەند بكات، كەناڵی  K24 ی پارتی و پەیجە سێبەرو جنێو فرۆشەكانیان بەهەمان شێوەی جاران، تۆمەت  و تەشهیر ئاڕاستەی یەكێتی و دادگای فیدراڵی دەكەن و چارەسەركردنی كێشەی مووچەی فەرمانبەرانی هەرێمیش بەدەستكەوتێكی گرنگی  كەسی و حزبی بۆ خۆیان ناودەبەن".

"بۆیە ئێمە وەكو سەتەلایتی گەلی كوردستان لەم پەیامەدا رادەگەیەنین كە پێویست ناكات وەڵامی ئەو جنێوانە بدەینەوە چونكە خەڵكی كوردستان دەزانن كێ هەوڵی چارەسەركردنی كێشەكەیداوە و چ لایەنێكیش هاوشێوەی ئێستا تەنها خەریكی بڵاوكردنەوەی پەیامی زبری پرلە تەشهیرو ناوزراندن بووە، تەنها ئەوەندە دەڵێین جنێو بەئێمە و بەدادگای فیدراڵ مەدەن چونكە ئەو مووچەیەی كەئەمرۆ ئێوە بەدەستكەوت بۆ خۆتانی دەزانن بەرهەمی هەوڵ وكۆششێكی بەردەوامی سەرۆكی حزبەكەمان و لە ئەنجامی بڕیارێكی دادگای فیدراڵ بووە"، لە راگەیەندراوەکەدا هاتووە.


 PUKMEDIA