کۆمسیۆن رێکارەکانى دیاریکردنى کارمەندانى سەر سندوقی دەنگدان پەسەند دەکات

PUKMEDIA

لۆگۆی کۆمسیۆن و پەرلەمانی کوردستان

وتەبێژى کۆمسیۆنى باڵاى سەربەخۆى هەڵبژاردنەکانى عیراق رایگەیاند "کۆمسیۆن رێکارەکانى دیاریکردنى کارمەندانى سەر سندوقەکانى دەنگدانى پەسەند کرد".

جومانە غەلاى وتەبێژى کۆمسیۆنى هەڵبژاردنەکانى عیراق بە وێبسایتی رەسمیی یەکێتیی نیشتمانیی کوردستان  PUKMEDIA ی راگەیاند:"زیاتر لە 800 کەس خۆیان بۆ هەڵبژاردنى پەرلەمانى کوردستان کاندید کردووە و بۆ وردبینیکردنی ناوەکانیشیان، ئاڕاستەى لایەنە پەیوەندیدارەکان دەکرێت، بۆ مەبەستی لێکۆڵینەوە لە شیاو بوونیان".

" بۆ هەڵبژاردنى پەرلەمانى کوردستان لیژنەیەکى باڵا لە کۆمسیۆن پێکهێنراوە بۆ دیارییکردنى کارمەندانى سەر سندوقەکانى دەنگدان و لیژنەکە مەرجەکانى دانانى کارمەندانى سەر سندوقەکانى دیارییکردووە و فەرمانبەرانى هەرێمى کوردستان و خوێندکارانى زانکۆ و پەیمانگە و دەرچووانى پەیمانگە دەگرێتەوە، کە دەبنە چاودێرى سەر سندوقەکان".

ئاماژەى بەوەشکرد:" خوازیارانی سەر سندوقەکانی دەنگدان دەتوانن بەشێوەى ئۆنلاین، کەلە رێگەى لینکێکەوە لەلایەن کۆمسیۆنەوە بڵاودەکرێتەوە، داواکارییەکانیان پێشکەشبکەن".

PUKMEDIA