دادگای فیدراڵی پرسی گەڕانەوەی ئاوارەکان و زەوییە کشتوکاڵییەکانی دواخست

PUKMEDIA

بینای دادگای فیدراڵی

دادگای فیدراڵی دانیشتنی ئەمڕۆی کە تایبەت بوو بە دۆسیەی گەڕانەوەی ئاوارەکانی هەرێم بۆ زێدی خۆیان و کێشەی زەوی و زارە کشتوکاڵییەکانی کەرکوک و دەورووبەری بۆ رۆژی 24-4-2024 دواخست.

دیلان غەفور ئەندامی ئەنجومەنی نوێنەرانی عیراق لەفراکسیۆنی یەکێتی بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" سەرۆکی دادگای فیدراڵی بڕیاریدا سکاڵای وەزیری کۆچ و کۆچبەرانی عیراق لەبارەی رێگری گەڕانەوەی ئاوارەکان لەهەرێم بۆ زێدی خۆیان بۆ رۆژی 24-4-2024 دوابخات".

"هاوکات کە لەدانیشتنەکەی دادگادا ئامادە بووم، سکاڵایەکی دیکەش کە تایبەت بوو بەکێشەی زەوی و زاری پارێزگای کەرکوک بۆ هەمان رۆژ دواخرا"، دیلان غەفور وایوت.

لەدانیشتنی ئەمڕۆی دادگای فیدراڵیدا بڕیاربوو سکاڵاکەی وه‌زیری كۆچ و كۆچبه‌رانی عیراق، کە له‌سه‌ر سه‌رۆكی هه‌رێمی كوردستان و سه‌رۆكی حكومه‌ت و وه‌زیری ناوخۆی هه‌رێمی كوردستان تۆماریكربوو بڕیاری لێبدرێت، تاوەکو سكاڵا له‌سه‌ركراوه‌كان پابه‌ند بكات به‌جێبه‌جێكردنی بڕ‌یاری ئه‌نجومه‌نی وه‌زیرانی عیراق بۆ گه‌ڕ‌اندنه‌وه‌ی ئاواره‌كان و داخستنی كه‌مپه‌كانیان له‌ هه‌رێم، بەڵام سەرۆکی دادگاکە دانیشتنەکەی لەسەر ئەو پرسە بۆ 25 رۆژی داهاتوو دواخست.

PUKMEDIA