ئاسایشی هەرێم: هیچ مامۆستایەک دەستگیرنەکراوە

PUKMEDIA

لۆگۆی ئاسایش

پاش بڵاوبونەوەی دەنگۆی دەستگیرکردنی مامۆستایان لەلایەن ئاسایشەوە لەکاتی ئەنجامدانی خۆپیشاندان دەزگای ئاسایشی هەرێم رونکردنەوەیەک بڵاودەکاتەوەو ئاماژە بەوە دەکات، کە "ئاسایش کار بۆ نەهێشتنی پشێوی و دابینکردنی ئارامی دەکات و دەنگۆی دەستگیرکردنی مامۆستایان رەتدەکەینەوە".

سەرچاوەیەک لە دەزگای ئاسایشی هەرێم لە راگەیەندراوێکدا کە کۆپییەکی بۆ وێبسایتی رەسمی یەکێتیی نیشتمانیی کوردستان PUKMEDIA نێردراوە، ئاماژە بۆئەوەدەکات: "هیچ مامۆستایەک لەلایەن ئاسایشەوە دەستگیرنەکراوە و هەموو هەوڵێکی ئاسایش لەپێناو زیاتر بەرقەرارکردنی ئارامی و سەقامگیری زیاترە".

ئەمە لەکاتێکدایە پاش ئەنجامدانی خۆپیشاندانی ناڕەزایی مامۆستایان لەدژی پێنەدانی مووچەکانیان دەنگۆی دەستگیرکردنیان لەلایەن هێزەکانی ئاسایشەوە بڵاوکرایەوەو دەزگای ئاسایشیش ئەم دەنگۆیانە رەتدەکاتەوە.

PUKMEDIA