لەتیف نێروەیی: وەڵامی پەیامی ناڕەوا نادەینەوە

PUKMEDIA

لەتیف نێروەیی

لێپرسراوی بۆردی راگەیاندنی یەکێتیی نیشتمانیی کوردستان لە وتارێکیدا بە ناونیشانی (مووچەی فەرمانبەران ،نەک شەڕی ڕاگەیاندن !) کە لەبەشی بیروڕای وێبسایتی رەسمی یەکێتی بڵاوبوەتەوە رایگەیاندوە: "بەبێ رەچاوکردنی ئەو هەل و مەرجە هەستیارەی کە هەرێمی کوردستانی پیایدا تێدەپەڕێت، هەڵمەتێکی توندی  ناڕەواو بێ ماناو بەزمانێکی زبر لەدژی یەکێتیی نیشتمانیی کوردستان  دەستی پێکردووە ، لەسەر ئەو هەڵمەتە ئێمە بە گیانێکی بەرزی بەرپرسیارانەوە  خۆمان لەوەڵامدانەوەی ئەو جۆرە پەیامانە دورەپەرێز دەگرین". 

لەتیف نێروەیی ئاماژە بەوەشدەکات: "ئەوەی بەلای ئێمەوە گرنگە تەنها دابەشكردنی مووچەی فەرمانبەرانی هەرێمی کوردستان و ئەنجامدانی هەڵبژاردنێکی پاک وبێگەردە لەکاتی دیاریکراوی خۆیدا بۆئەوەی کۆتایی بەو مەترسی و ئاڵنگاریانە بێنێت کە رووبەرووی هەرێمی کۆرستان بونەتەوە".

"سەردەمی زمانی زبرو پەیامی ناراست و چەواشەکاری بەسەرچووەو هاوڵاتیان ناکەونە ژێرکاریگەری ئەو جۆرە پایامانە ،بەڵگەش بۆ ئەو راستییە ئەنجامی هەڵبژاردنی  ئەنجومەنی پارێزگای کەرکوکە"، نێروەیی وادەڵێت.

PUKMEDIA