با هەر بۆنەی یادی نەورۆز نەبێت
بیروڕا 01:51 PM - 2024-03-21ستران عەبدوڵڵا
ستران عەبدوڵڵا
با هەر هیواو ئاواتی نەورۆزی نەخوازین، هەر بۆنەی نەورۆز نەكەینە دەرفەتی قسەكردن و رازدەركاندن و زارگوتنی كوردانە، بەو گوزارشتەی نەورۆز بۆنەی نەتەوەیی و یەكێتی ریزەكان و جەژنی بەهار و ئازادییە، تەنانەت نەورۆزەكەش چەند ساڵێكە بووەتە بابەتی مشتومڕ و باسی توانجدان لە مێژوو و لە هەموو شانازییەكانی ئەم گەلە مافخوراو موچە خوراوە.
ئێمە بە نرخی هەرزان هەموو بەهاكانمان دەفرۆشین، خوا دەزانێ بەپارەی بێ قیمەتی ئەم وڵات و ئەو وڵات چەند هەزار سایت و پەیج و ئەكاونت كراونەتەوە تا بەناوی كنەی مۆنتاجكراو و پشكنینی دۆبلاجكراو گومان لە گەشتەكەی گەزەنفۆن و مەزنی سەلاحەدینی ئەیوبی و شەڕی مەلازكرد و بەرخودانی قەڵای دەمدەم و رۆژنامەی كوردستانی بەدرخان و نەورۆزی پیرەمێرد بكەن؟
ئەم نەورۆزەی حاجی تۆفیقی خواناس بە چەند قەسیدە و خڕبوونەوە لە گردی مامە یارە و ئاگری گەشی بەهاری بەهێمنی و هێزی نەرمی تێكۆشانی مەدەنی كردویەتییە بۆنەیەكی خاڵسی كوردانەی بەرەنگاری دژی ستەم و داگیركاری و لە حەشامەتی نەورۆزی میللەتانی تر جیای كردووەتەوە دە ساڵ جارێك دەكەوێتە بەر هەڵمەتی دووسەرەی ڤەكۆلینی رووكەشانەی دەستەبژێری (عەبەسە وەتەولا) و فەتوای چینی تازە پەیدابووی (تەواو بوم بە مەلا) گوایە هی كورد نییەو هی مەجوسە، گوایە كاوە غاینەكەیە و زوحاك هەو نییە.
براگیان وا غایەنی مۆدێرن بە بەرچاوتەوە ناپاكی لە نیشتمان و لە ئازادی و لە هەموو شتێك دەكا و بە دیكۆمێنت و تۆماری ڤیدیۆییەوە هەموو شتێكی لەسەرە، كەچی قەزاوەتی لەسەر ناكەی و لەگوڵ كاڵتری پێ نایەژی، ئێستا باوەڕت پێ بكەم گوایە دوو مارەكەی سەر شانی زوحاكی لە چاپی كۆنینەی شانامەدا دەسكردی فیردۆسییە؟
برام كوردەكە لە چوار بەشی كوردستان بە ریتمی ئاهەنگی حەسەن زیرەك و لەرەی سرود ئامێزی حەمەساڵح دیلان و بە تۆنی هاوچەرخی قادر دیلان و كۆنسێرتی باكورو رۆژئاوا نەورۆز دەچڕێ خێرە ئەم ساتە نەتەوەییە دەبوغزێنی؟
نەورۆزو سرودەكانی نیشتمان و شۆڕش بانگەوازی كوردایەتییەكی بێ غەل و غەش دەكەن كەچی دوو شەپۆل یان لەبەر كورت هێنانی روانگەیان یان لەبەر پشووكورتی تێكۆشانی میللییان بەربوونەتەگیانی یەك. دەستەبژێرێك لە تاو شكستی سیاسییان بە ناوی جیاوە ئێستا تووشی دەردی نەهلستی نەتەوەیی بوون و بەراست و بە چەبدا توانج لە كوردایەتی دەدەن چونكە تۆزێك خۆیان هیلاك ناكەن تا بزانن كێ بەناوی كوردایەتییەوە بەڵای بەسەر هێناوین و كێش لە تاو كوردایەتی هەموو نوقورچ و توانجێكی نارەوای قووت داوە؟ دەستەبژێرێكی تر بێكەس وتەنی كوردایەتی بە خورما تێگەیشتووە و وا دەزانێ هەر ئەو ناوهێنانە بەسە بۆ ئەوەی هەرچی كێماسیی هەیە لەسەر خۆی بیسڕێتەوە و لای بدات. كوردایەتی خۆ چەكی غوفرانی پاپا نییە بەهەشتت بۆ مسۆگەر بكا و لە هەموو ئاوێك بتپەڕێنێتەوە و تەڕ نەبیت.
كوردایەتی خۆ خوداوەندە بە هەنجیر و خورما دروستكراوەكانی قورەیش نییە لە رێی تێری گەشتو گەڕانا بیپەرستی و لەرێی دەشتی بێ نان و زاددا بیخوێت و بیماشیتەوە. كوردایەتی خەبات و كۆششێكە كە سەد ساڵە قاڵبی گرتووە و نووسین و بەڵگە و دامەزراوەی داناوە تا دەفتەر و حیساب و راست و پرگاڵی لە هەموان و لەسەر هەموان بخاتەكار.
ئەوە گشتی لە كتێب نووسراوە و لە مەدرەسە خوێنراوە تەمبەڵەكانی وەك ئێمە سەعی و دەوری تیاناكەین خەتای بزووتنەوە و شۆرش و رابوونەكانی باوكە دامەزرێنەرەكان چییە؟!
جا ئەوەندە بەسە تا نەورۆزەكەمان نەشێوێ. بفەرموون با گەمارۆی بێ مووچەیی و بێ گوزەرانی درێژخایەن تێكبشكێنین و بێ ئومێدی لە قاوبدەین كە پێشەی نەیارانە و هەر رۆژی بە بیانویەكەوە داهاتوومان تەمومژاوی دەكەن وەكو چۆن رابرادوو و ئێستامانیان لێڵ كردووە.
PUKMEDIA
هەواڵی زیاتر
-
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
11:59 AM - 2024-05-07 -
تیرۆرستێک دەستگیردەکرێت
11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
09:20 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
06:19 PM - 2024-05-06
ئەمانەش ببینە
کوردستان 04:20 PM - 2024-05-07 هیومان رایتس وۆچ: لهههرێم یاسای ناروون بۆ بێدهنگكردنی رۆژنامهنووس بهكاردههێندرێت
یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
01:58 PM - 2024-05-07
کۆمسیۆن: وەرەقەی دەنگدانی گشتی و تایبەت بۆ هەڵبژاردن چاپدەکرێت
10:38 AM - 2024-05-07
"یەکێتی بە دووساڵی پارێزگار بۆ کەرکوک رازی نابێت و پارتی رازییە"
09:05 PM - 2024-05-06
قوباد تاڵەبانی: توانای مرۆیی باشمان هەیە و رێکنەخراوە
06:31 PM - 2024-05-06
زۆرترین خوێنراو
-
تیرۆرستێک دەستگیردەکرێت
کوردستان 11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
کوردستان 09:20 PM - 2024-05-06 -
"یەکێتی بە دووساڵی پارێزگار بۆ کەرکوک رازی نابێت و پارتی رازییە"
کوردستان 09:05 PM - 2024-05-06 -
شاڵاو کۆسرەت رەسوڵ بەشداری لە ژمارەیەک پرسەدا دەکات
پرسەنامە 08:04 PM - 2024-05-06 -
قوباد تاڵەبانی: توانای مرۆیی باشمان هەیە و رێکنەخراوە
کوردستان 06:31 PM - 2024-05-06 -
سەرۆک بافڵ گەیشتە واشنتن
کوردستان 06:23 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
کوردستان 06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
کوردستان 04:57 PM - 2024-05-06