ئاسایش باندێکی دزیکردنی ئۆتۆمبێل دەستگیر دەکات

PUKMEDIA

لۆگۆی ئاسایش

دەزگای ئاسایشی هەرێم دەستگیرکردنی باندێکی دزیکردنی ئۆتۆمبێل رادەگەیەنێت کە ژنێک سەرۆکایەتی کردوون و شەش ئۆتۆمبێلیان دزیوە.

بەڕێوەبەرایەتی ئاسایشی سلێمانی لە راگەیەندراوێکدا کە کۆپییەکی بۆ PUKMEDIA نێردراوە، ئاماژە بۆئەوەدەکات: "بەهاوکاری  ئاسایشی رۆژئاوای سلێمانی و بەشی ئاسایشی قەزاو ناحیەکان, توانیان (٨)تۆمەتباری دزیکردنی ئۆتۆمبێل دەستگیربکەن و (٤) ئۆتۆمبێلیان بگەڕێنڕێتەوە بۆ خاوەنەکەی".

لە راگەیەندراوەکەدا ئەوەش خراوەتەڕوو: "بەبڕیاری دادوەر (٨) تۆمەتبار لە ٢٠٢٤/٢/٢٩ دەستگیرکران، کە (٦) ئۆتۆمبێلیان دزیوە لەجۆرەکانی مازدا و BMW، ویستویانە لەسنوری قەزای چەمچەماڵ ساغی بکەنەوە، هەروەها ژنێک سەرپەرشتی باندەکەی کردووە، لەئێستادا سەرجەم تۆمەتباران بە ماددەی (٤٤٣) لەیاسای سزادانی عیراقی راگیراون و بەپێی دەرئەنجامی لێکۆڵینەوە و پشکنینەکان دەرکەوت کە بەکارهێنەری ماددەی هۆشبەرن".
PUKMEDIA