باندێکی بازرگانی ماددەی هۆشبەر دەستگیردەکرێت

PUKMEDIA

لۆگۆی ئاسایش

بەرێوەبەرایەتی ئاسایشی ڕاپەرین باندێکی بازرگانی ماددەی هۆشبەر دەستگیردەکات، کە نزیکەی شەش کیلۆ ماددەی هۆشبەر و دوو ئۆتۆمبێلی بێ سەرەتایان پێبووە.

دەزگای ئاسایشی هەرێم لە راگەیەندراوێکدا کە کۆپییەکی بۆ PUKMEDIA نێردراوە رایگەیاندووە: "هێزەکانی ئاسایشی ڕاپەرین، بەهەماهەنگی بەڕێوەبەرایەتی نەهێشتنی ماددە هۆشبەرەکان، لەسەر بڕیاری دادوەر پاش لێکۆڵینەوە و بەدواداچوون، توانیان (٥)تۆمەتبار لەڕۆژی ٢٠٢٤/٣/٣ دەستگیربکەن و دەستبگرن بەسەر بڕی (٥،٨٩٢) پێنج کیلۆ و هەشت سەد و نەوەد و دوو گرام ماددەی هۆشبەر لەجۆرەکانی(کریستاڵ و حەشیش) هەروەها دوو ئۆتۆمبێلی بێسەرەتا کەبۆ گواستنەوەی ماددەکان بەکاردەهێنران".

"لەئێستادا بە ماددەی (٢٦) لەیاسای بەرەنگاربوونەوەی ماددەهۆشبەرەکان دەستگیرکراون و لێکۆڵینەوە لەدۆسیەکانیان بەردەوامە"، راگەیەندراوەکەی ئاسایش وا دەڵێت.

PUKMEDIA