سودانی: ھەوڵەکانی قەرەبووکردنەوەی هەڵەبجە بەردەوامە

راگەیاندنی سەرۆکوەزیرانی عیراق

محەمەد شیاع سودانی سەرۆک وەزیرانی عیراق

محەمەد شیاع سودانی سەرۆک وەزیرانی عیراق رایدەگەیەنێت:" ھەوڵەکان بۆ قەرەبووکردنەوە و خزمەتکردنی ھەموو ئەوانەی زوڵم و ستەمیان بەرامبەر کراوە بەردەوامە" .

 سەرۆکوەزیرانی عێراق لە یادی ٣٦ ساڵەی کیمیابارانی ھەڵەبجە پەیامێکی لە ئەکاونتی خۆی لە تۆڕی کۆمەڵایەتی ئێکس بڵاوکردەوە و دەڵێت:" کیمیابارانی ھەڵەبجە دڕەندەیی رژێمی گۆڕبەگۆڕ و سەرجەم تاوانەکانی بەرامبەر گەلی کورد و سەرجەم پێکھاتەکانی عێراق دەسەلمێنێت".

هەروەک دەڵێت:" کارەساتی کیمیابارانی ھەڵەبجە لە ویژداندا دەمێنێتەوە و ھانمان دەدات ھەوڵەکانمان زیاتر بکەین بۆ بەھێزکردنی سیستمی دیموکراسی و ھەوڵەکانی حکومەتیش بەردەوامە بە مەبەستی قەرەبووکردنەوە و خزمەتکردنی ھەموو ئەوانەی زوڵم و ستەمیان بەرامبەر کراوە لەگەڵ جێبەجێکردنی ئەو یاسایانەی مافەکانیان دەستەبەر دەکات".

 
PUKMEDIA