بۆ هەڵبژاردنی پەرلەمان ٢٢حزب و هاوپەیمانی بەشداری دەکەن
کوردستان 05:00 PM - 2024-03-14بەشداریکردن لە پرۆسەی هەڵبژاردن
دەرگای تۆمارکردنی حزب و
هاوپەیمانێتی بۆ بەشداریکردن لەهەڵبژاردنی داهاتووی پەرلەمانی کوردستان کۆتاییهات
و بەوتەی بەڕێوەبەری گشتی فەرمانگەی كاروباری پارت و رێكخراوە سیاسییەكان لەکۆمسیۆن:"وادەکە
درێژناکرێتەوە" و ٢٠ حزب و دوو هاوپەیمانی بەشداری پرۆسەکە دەکەن، بەڵام وادەی
تۆماری کاندیدی حزب و هاوپەیمانێتیەکان و کاندیدی سەربەخۆ تا ٢٢-٣-٢٠٢٤ بەردەوام دەبێت.
٢٠ حزب و ٢ هاوپەیمانێتی بەشداری پرۆسەکە دەکەن
د.هەیمان تەحسین حەمید بەڕێوەبەری
گشتی فەرمانگەی كاروباری پارت و رێكخراوە سیاسییەكان لەکۆمسیۆن بە وێبسایتی رەسمی
یەکێتیی نیشتمانیی کوردستان PUKMEDIA ی راگەیاند:" دەرگای
تۆمارکردنی حزب و هاوپەیمانێتی بۆ بەشداریکردن لە هەڵبژاردنی پەرلەمانی کوردستان
کۆتاییهات، کە ١٤-٣-٢٠٢٤ دوا وادەبوو، بەڵام دەرگای تۆمارکردن بۆ کاندیدی حزب و هاوپەیمانێتی و کاندیدی
سەربەخۆ دانەخراوە و تا هەفتەیەکی تر بەردەوام دەبێت".
"تێکڕا ٢٠ حزب و ٢
هاوپەیمانێتی و ٦٢ کاندیدی سەربەخۆ بۆ بەشداریکردن لە پرۆسەکە تۆمارکراون، کە
لەبازنەکانی هەڵبژاردنی پەرلەمانی کوردستان بەشداردەبن"، د.هەیمان تەحسین
وایوت.
وادەی تۆمارکردنی هاوپەیمانییە سیاسییەکان کۆتاییهات
لە 5ی ئازارەوە ناو
تۆمارکردن بۆ هاوپەیمانی کرایەوە و تا ڕۆژی پێنجشەممە 14ی ئازاری 2024 بەردەوام
بوو، ناو تۆمارکردن لە بارەگای بەشی کاروباری حزب و ڕێکخراوە سیاسییەکان لە بەغدا
و لە فەرمانگەکانی هەڵبژاردن لە پارێزگاکانی کوردستان بووە.
جومانە غەلای وتەبێژی
کۆمسیۆنی باڵای سەربەخۆی هەڵبژاردنەکانی عیراق لەلێدوانێکدا بۆ وێبسایتی رەسمی یەکێتیی نیشتمانیی کوردستان PUKMEDIA ڕایگەیاند:"ئەمڕۆ پێنجشەممە
١٤-٣-٢٠٢٤ دوا وادەبوو بۆ تۆمارکردنی هاوپەیمانییە سیاسییەکان کە ئارەزووی بەشداریکردنیان
لە هەڵبژاردنی پەرلەمانی کوردستاندا هەیە و هیچ درێژکردنەوەیەکیش بۆ ئەم ماوەیە نییە".
نزیکەی ٣ ملیۆن دەنگدەر بەشداری هەڵبژاردن دەکەن
بەکۆی گشتی لە هەرێمی کوردستان
٣ ملیۆن و ٧٨٩ هەزار و ٣٦٠ دەنگدەر هەن، لەو ژمارەیەش زیاتر لە ٢ ملیۆن ٩٠٠ هەزار
دەنگدەر ناوی خۆیان لە تۆماری بایۆمەتری تۆمارکردووە و ئامادەن بەشداری هەڵبژاردن
بکەن.
جومانە غەلای ئاماژەی
بەوەشکرد:"کۆمسیۆنی هەڵبژاردنەکان لە یەکی مانگی شوباتی ڕابردووەوە دەستی بە
پرۆسەی تۆمارکردنی بایۆمەتری کردووە لە 10ی ئادار کۆتایی هاتووە، لەوکاتەشەوە ژمارەی
دەنگدەرانی تۆمارکراو گەیشتووەتە 124 هەزار و 667 دەنگدەر کە 42 هەزار و 14 دەنگدەری
لە ساڵی 2006 لەدایک بوون و یەکمجاریانە بەشداری پرۆسەی هەڵبژاردن دەکەن".
وتەبێژی کۆمسیۆن
راشیگەیاند:"ژمارەی دەنگدەرانی تۆمارکراو لە بایۆمەتری لە پارێزگای هەولێر گەیشتە
62 هەزار و 777 دەنگدەر، لە سلێمانی 36 هەزار و 92 دەنگدەر، لە دۆهۆکیش 25 هەزار و
798 دەنگدەر، ئەمەش لەکاتێکدایە کۆی گشتیی دەنگدەرانی هەرێمی کوردستان 3 ملیۆن و
789 هەزار و 360 دەنگدەرە و لە نێو ئەمانەشدا تەنها زیاتر لە 2 ملیۆن و 900 هەزار
دەنگدەر بە بایۆمەتری ناویان تۆمار کردووە و مافی بەشداریکردنیان هەیە لە هەڵبژاردنی
پەرلەمانی کوردستان ، کە بڕیارە لە رۆژی 6/10/2024 ئەنجام بدرێت".
یەکێتیی
نیشتمانیی کوردستان یەکێکە لەو ٢٢ حزبەی ، کە بەلیستی سەربەخۆ لەهەر چوار بازنەکەی
کوردستان بەشداری لەهەڵبژاردنی داهاتووی پەرلەمانی کوردستاندا دەکات و بەوتەی
لێپرسراوی مەکتەبی هەڵبژاردنی یەکێتیش:" سەرجەم ئامادەکارییەکانیان بۆ
بەشداریکردن لەهەڵبژاردن تەواوکردووە و یەکێتیی نیشتمانیی کوردستان بۆ بەشداریکردن
لە هەڵبژاردن ئامادەیە".
PUKMEDIA
هەواڵی زیاتر
-
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25
ئەمانەش ببینە
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
09:51 PM - 2024-04-26
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
زۆرترین خوێنراو
-
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
کوردستان 11:17 AM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
کوردستان 10:11 AM - 2024-04-27 -
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26