لەتیف نێروەیی: فرەبازنەیی رێگری لە ساختەكاری دەكات

PUKMEDIA

لەتیف نێروەیی

لەتیف نێروەیی ئەندامی سەركردایەتی و لێپرسراوی بۆردی راگەیاندنی یەكێتیی نیشتمانیی كوردستان لە وتارێكیدا كەلە بیروڕای وێب سایتی رەسمی یەكێتی بڵاوبووەتەوە رایگەیاندووە: "فرەبازنەیی هەڵوێستی یەكێتی بوو، بەڵام بەرهەمەكە بۆ لایەنە سیاسییەكانەو لە بەرژەوەندی پڕۆسەی دیموكراتی و خەڵكە، چونكە كورسی هیچ پارێزگایەك بۆ پارێزگایەكی دیكە ناچێت و كۆتایی بە سیستمی یەك بازنەیی دەهێنێت كە چەندین ساڵە چەقی ناكۆكی و ململانێیەكی توندی نێوان یەكێتی و پارتییە".

راشیدەگەیەنێت: "بەپێی پێوەرەكانی سیستمی دیموكراسی فرەبازنەیی باشتر و سەركەوتووترە لە یەك بازنەیی، چونكە كۆمسیۆنی سەربەخۆی هەڵبژاردنەكان باشتر دەتوانێت ئاماری دەنگدەرانی راستەقینەی هەر پارێزگایەك لە دەنگی ساختە جیا بكاتەوەو زەمینەیەكی باشتر دەڕەخسێت بۆ رێگریكردن لە ساختەكاری، جگە لەوەی دادپەروەری بۆ هەموو پارێزگاكان و تەنانەت بۆ دەنگدەرانی ناوخۆی حزبەكانیش دەڕەخسێت". 

"هاوكات هەر كاندیدێك كە سەردەكەوێت، نوێنەرایەتی دەنگدەری پارێزگاكەی خۆی دەكات و دەتوانێت راستەوخۆ و لە نزیكەوە چاودێری و نوێنەرایەتی راستەقینەی پارێزگاكە و دەنگدەرانی خۆی بكات، بۆ حزبە سیاسییەكانیش هەر لایەنێك دەتوانێت بەرنامەی تایبەت بە پارێزگاكان ئامادە بكات كە گونجاو بێت لەگەڵ دۆخی پارێزگاكە" لەتیف نێروەیی وادەڵێت.

بۆ خوێندنەوەی دەقی وتارەكە كلیك لەم لینكە بكە:

فرە بازنەیی چی لە هەڵبژاردنی پەرلەمان دەگۆڕێت؟

PUKMEDIA